काठमाडौं । सरकारले प्रधानमन्त्री तथा मन्त्रिपरिषद् कार्यालय र गृहमन्त्रालयका सचिवद्वयका जिम्मेवारी एकअर्कासँग साटफेर भएको छ । प्रधानमन्त्री तथा मन्त्रिपरिषद् कार्यालयका सचिव दिनेश भट्टराईलाई गृह मन्त्रालयको जिम्मेवारी दिएको छ । मंगलबार बसेको मन्त्रिपरिषद्को बैठकले यस्तो निर्णय गरेको हो । हाल गृह सचिव रहेका विनोदप्रकाश सिंहलाई प्रधानमन्त्री कार्यालयमा सरुवा गरिएको छ । निवर्तमान गृहसचिव टेक नारायण पाण्डेलाई यसअघि सरकारले उपराष्ट्रपति कार्यालयमा सरुवा गरेको थियो । पाण्डेको उपराष्ट्रपति कार्यालयमा सरुवा भएपछि सिंहलाई गृहमा पठाईएको थियो । पाण्डे अहिले नक्कली भुटानी शरणार्थी प्रकरणमा पक्राउ परी हिरासतमा छन् । सिंहले गृहमा करिब सात महिना काम गरे ।