काठमाडौं । अमेरिकाले चीनबाट आउने यात्रुहरूको लागि लगाएको कोभिड परीक्षण प्रावधान हटाउन लागेको छ । गत हप्ता जापानले चीनबाट आइपुगेपछि सबैले भाइरसको लागि परीक्षण गर्नुपर्ने आवश्यकतालाई हटाएको थियो । स्रोतले रोयटर्स जनाए अनुसार संयुक्त राज्य अमेरिकाले चीन र विश्वभरका कोभिडका केसहरूको निगरानी जारी राख्नेछ । अमेरिकी निर्णय वासिंगटन पोस्टद्वारा पहिले जनाइएको थियो। यूएस सेन्टर फर डिजिज कन्ट्रोल एन्ड प्रिभेन्सन सीडीसीले शुक्रबार चीनबाट आउने यात्रुहरूका लागि अनिवार्य कोभिड परीक्षणहरूको प्रावधान समाप्त गर्न लागेको हो । कोभिड परीक्षणको आवश्यक मापदण्डलाई हटाएका अन्य देशहरूमा सामेल हुन अमेरिकाले यस्तो गर्न लागेको स्रोतको हवाला दिँदै रोयटर्सले समाचार बनाएको छ । सीडीसीले यसबारे सोधिएको प्रश्नको जवाफ तत्काल नदिएको जनाइएको छ । जनवरीको सुरुमा संयुक्त राज्य अमेरिकाले भारत, क्यानडा, इटाली, जापान र अन्य देशहरूले चीनबाट आउने यात्रुहरूको सन्दर्भमा कोभिड परीक्ष्णको प्रावधान लगाएका थिए । चीन सरकारले कोभिडसम्बन्धी कठोर नियम हटाउने निर्णय गरेपछि यी देशहरूले यस्तो प्रावधान चीनबाट जाने यात्रुहरूका लागि लगाएका थिए । चीन, हङकङ वा मकाउबाट प्रस्थान गर्नुभन्दा दुई दिन अघि परीक्षणबाट नकारात्मक नतिजा प्राप्त गर्नका लागि नयाँ हवाई यात्रुहरूलाई कोभिडसम्बन्धी प्रावधान पूरा गर्नुपर्ने नियम बनाइएको थियो । फेब्रुअरीमा सवा अर्ब भन्दा बढी जनसंख्या भएको चीनका शीर्ष नेताहरूले विश्वको सबैभन्दा कम मृत्यु दर दावी गर्दै कोभिडमा प्रमुख विजय प्राप्त गरेको घोषणा गरेका थिए । यद्यपि विज्ञहरूले त्यो डाटामाथि आशंका गरेका छन् ।