Techie IT
  • २०८१ वैशाख ६, बिहीबार

नागढुङ्गा–सिस्नेखोला सुरुङमार्गको मुख्य सुरुङ छिचोल्न २ मिटर खन्न बाँकी


काठमाडौं । नागढुङ्गा–सिस्नेखोला सुरुङमार्गको मुख्य सुरुङ छिचोल्नका लागि तयारी अवस्थामा पुगेको छ । दुई मिटर खन्न बाँकी रहेकोले ‘ब्रेक थ्रु’ अर्थात् सुरुङ छिचोल्ने कार्यक्रम गर्न सकिने अवस्थामा पुगेको आयोजनाका उपनिर्देशक गोविन्द दुमरुले जानकारी दिए । सुरुङ छिचोल्ने अवस्थामा पुगेको भए पनि मिति भने तय भइनसकेको उनले बताए । ‘ब्रेक थ्रु’ को मिति चाँडै तय हुने पनि दुमरुले बताए ।

यसअघि गएको फागुन २३ गते नै सुरुङ छिचोल्ने मिति तय भएकोमा स्थानीयवासीले काममा अवरोध गर्दा हुन सकेको थिएन । स्थानीयवासीसँगको सहमतिपछि गएको चैत ६ गतेदेखि फेरि काम शुरु भएको हो । सुरुङ छिचोलेपछि सुरुङलाई थप सुधार गर्नुपर्ने भएकाले गाडी चलाउन थप एक वर्ष लाग्ने उपनिर्देशक दुमरुले बताए ।

अहिले थानकोटमा फ्लाईओभर निर्माण भइरहेको छ । फ्लाईओभरबाट सुरुङ मार्गसम्म पुग्ने सडकमा ग्राभेल र कालोपत्रको काम हुँदै छ । २०७६ सालमा २२ अर्ब रुपैयाँमा ठेक्का लागेको नागढुङ्गा–सिस्नेखोला सुरुङमार्गको बाँकी काममा अवरोध नआए अबको एक वर्षमा प्रयोग गर्न सकिने आयोजनाका उपनिर्देशक गोविन्द दुमरुले बताए । अहिले साढे आठ किलोमिटर रहेको बलम्बु–सिस्नेखोला सडकमा सुरुङमार्ग भएर जाँदा भने तीन मिनेटमात्र लाग्ने आयोजनाको दाबी छ ।

 



तपाईको प्रतिक्रिया दिनुहोस



Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट