१३ पौष, काठमाडौं । चिनियाँ कम्युनिष्ट पार्टीको गुओ येचौ नेतृत्वको चार सदस्यीय टोलीले नेकपा दाहाल–नेपाल समूहका अध्यक्ष माधवकुमार नेपालसँग भेटवार्ता गरेको छ । बानेश्वरको एभरेष्ट होटलमा नेपाल र कम्युनिस्ट पार्टीका अन्तर्राष्ट्रिय विभागका उपमन्त्री कुओ येचाओको नेतृत्वको प्रतिनिधिमण्डलको टोलीबीच भेटवार्ता हो । भेटवार्तामा संसद विघटन र नेकपा विभाजन पछिको अवस्थाका बारेमा छलफल भएको बताईएको छ ।
आजै बिहान चीनिया टोलीले नेकपाका अध्यक्ष प्रचण्डसगँ उनकै निवास खुमलटारमा भेटवार्ता गरेको थियो । आइतबार काठमाडौं आएको चिनियाँ टोलीले राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग भेटवार्ता गरिसकेको छ ।
चीनिया टोलीले नेकपा विभाजन र संसद विघटनबाट नेपाल अस्थिरताको बाटोमा जाने र यही मौका छोपेर अन्तर्राष्ट्रिय शक्ति केन्द्रको चलखेल हुने चिन्ता जाहेर गरेको छ ।
जसपाका नेता बाबुराम भट्टराई र काँग्रेसका केही नेताहरुलाई समेत भेट्ने कार्यक्रम रहेको बताईएको छ ।
क्याटेगोरी : समाचार
ट्याग : #breaking
थप समाचार
धेरै पढिएका
प्रतिक्रिया