वीरगन्ज पब्लिक कलेजको छतबाट विद्यार्थी हाम फाल्दा गम्भीर घाइते
२०८० कार्तिक १५, बुधबार २०:३५ मा प्रकाशित
काठमाडौं । वीरगन्ज पब्लिक कलेज (वीपीसी) मा अध्ययनरत एक जना विद्यार्थी कलेजको छतबाट हाम फाल्दा गम्भीर घाइते भएका छन् ।
कक्षा १२ मा अध्ययरत विद्यार्थीले बुधबार बिहान साढे ६ बजे हाम फालेको कलेजको सीसीटीभीमा कैद भएको कलेजले जनाएको छ ।
क्याम्पस प्रमुख हरि तुलाधरका अनुसार सीसीटीभीको भिडियोमा विद्यार्थीले क्याम्पस भवनको तेस्रो तलाबाट हाम फालेको देखिएको छ ।
स्थानीयबासिन्दाले क्याम्पस भवनको पछाडि रहेको खाली जग्गामा विद्यार्थी लडेको अवस्थामा रहेको भन्दै क्याम्पसलाई खबर गरेका थिए ।
हाल विद्यार्थीको वीरगन्जस्थित नेपाल मेडिसीटी बयोधा अस्पतालमा उपचार भइरहेको क्याम्पस प्रमुख तुलाधरले जानकारी दिए ।
क्याम्पस प्रमुख तथा परिवारलाई डाक्टरले विद्यार्थीको शरीरको धेरै ठाउँमा फ्र्याक्चर भए पनि खतरामुक्त रहेको जानकारी दिएको बताए ।
तपाईको प्रतिक्रिया दिनुहोस