मन्त्री किरातीको आदेश : कुन जहाज कतिबेला उडे ? कहाँ रोकिए ? के कारणले रोकिए भन्ने विषयमा दैनिक रिपोर्ट चाहियो

काठमाडौं, ९ माघ । संस्कृति, पर्यटन तथा नागरिक उड्डयन मन्त्री सुदन किरातीले नेपाल वायुसेवा निगमका अध्यक्ष युवराज अधिकारीलाई जहाज समयमै उडाउन निर्देशन दिएका छन्।

आज वायुसेवा निगमको कार्यालय निरीक्षण गर्दै मन्त्री किरातीले निगमका कार्यकारी अध्यक्ष युवराज अधिकारीलाई एक सेकेन्डको पनि महत्व हुने भन्दै समयमै जहाज उडाउन र नेपाली समयको बदनाम नगर्न निर्देशन दिएका हुन्। निगमका जहाजहरूको दैनिक रिपोर्ट पनि पेस गर्न मन्त्री किरातीले निर्देशन दिएका थिए। उनले भने, ‘कुन जहाज कतिबेला उडे ? कहाँ रोकिए ? के कारणले रोकिए भन्ने विषयमा दैनिक रिपोर्ट चाहियो, म रिपोर्ट नहेरी घर जान्न।’

‘विश्वमा युद्ध लड्दा एक सेकेन्डको पनि ठूलो महत्व हुन्छ, तोकिएको समयमै जहाज उडाउनुहोस्, नेपाली समयलाई बदनाम नगराउनुहोस्’, निर्देशन दिँदै मन्त्री किरातीले भने।

मन्त्री किरातीले निगम सुधारका लागि छिट्टै आर्थिक योजना पेस गर्न र एक महिनाभित्र अनलाइनमार्फत् टिकट काट्ने व्यवस्था गर्न पनि अध्यक्ष अधिकारीलाई निर्देशन दिएका छन्। उनले भने, ‘जहाज अब उप्रान्त समयमै उड्नु पर्छ, हिजो के भयो त्यो म हेर्दिन, जहाज स्टार्ट भइसक्यो अब रोकिनु हुँदैन। नकारात्मक काम गर्दिन, सकारात्मक काममा सधै साथ दिन्छु ।’

सम्बन्धित समाचार

अयोग्य लडाकुलाई २ लाख रुपैयाँ राहत दिन सरकारले भोलिदेखि प्रक्रिया…

खुम्बु क्षेत्रमा लेक लागेर एक विदेशी नागरिकको ज्यान गयो

शान्ति प्रक्रियालाई टुङ्गोमा पुर्‍याउने कामबाट भाग्ने छुट छैन : गगन…

काठमाडौंको दक्षिणकालीमा जिप दुर्घटना हुँदा एक जनाको घटनास्थलमै मृत्यु