Techie IT
×
गृहपृष्ठखेलकुदपारा तेक्वान्दो खेलाडीलाई प्रशिक्षक कुँवरद्वारा सहयोग

पारा तेक्वान्दो खेलाडीलाई प्रशिक्षक कुँवरद्वारा सहयोग


काठमाडौं, ३२ जेठ । नेपाली पारा तेक्वान्दो टोलीका पूर्वप्रशिक्षक कल्याण कुँवरले राष्ट्रिय टोलीका आफ्ना खेलाडीलाई आर्थिक सहयोग प्रदान गरेका छन् ।

सातदोबाटोस्थित नेपाल तेक्वान्दो संघको एकेडेमीमा आयोजित एक कार्यक्रमबीच पारा तेक्वान्दो टोलीका प्रशिक्षक कविराज नेगी लामाले सात सदस्यीय खेलाडीलाई आर्थिक सहयोग प्रदान गरेका हुन् । कोरोना भाइरसको संक्रमणसँगै लकडाउनका कारण समस्या परेका खेलाडीलाई पूर्वप्रशिक्षक कुँवरले सहयोग गरेका हुन् । नेपाली पारा तेक्वान्दोमा धेरै सफलता दिएका कुँवरले खेलाडीलाई जनही तीन हजार रुपैयाँ सहयोग गरे ।

अर्का प्रशिक्षक लामाले पनि सोही अवसरमा खेलाडीलाई १÷१ हजार थपिदिएका थिए । नेपाली पारा खेलकुदमा बाह्रै महिना प्रशिक्षण गर्ने खेलको रूपमा पारा तेक्वान्दो स्थापित छ । महामारी पैmलिएसँगै नेपालमा लकडाउन सुरु भएपश्चात् अन्य खेलजस्तै पारा तेक्वान्दो टोलीको प्रशिक्षण पनि प्रभावित भएको थियो । नेपाली टोलीले जापानमा आयोजना हुने पारालम्पिकको छनोटका लागि प्रशिक्षक कविराज नेगी लामाको प्रशिक्षणमा तयारी गरेका थिए ।

साथै लामो समयको लकडाउनका कारण खेलाडीलाई समस्या परेका थिए । यसअघि नेपाल तेक्वान्दो पारा तेक्वान्दो कमिटीले पनि खेलाडीहरूलाई खाद्यान्न र आर्थिक सहयोग प्रदान गरेको थियो । प्रशिक्षकद्वय कुँवर र लामाले पनि खेलाडीलाई थप सहयोग गर्ने उद्देश्यले आपैmँ अग्रसरता देखाएका हुन् । सो अवसरमा खेलाडीद्वय रन्जना धामी र राम अधिकारीले आफ्नै प्रशिक्षकहरूबाट मिलेको सहयोगले आफूहरूको जीवनमा विशेष अर्थ राख्ने बताए ।

‘उहाँहरूले हामी शिक्षा दिनुभयो र गुरु दक्षिण हामीले दिनुपर्ने हो । तर हाम्रो समस्यालाई बुझेर साथ दिनु भएको छ र यो हाम्रो लागि लाखौं बराबरको सहयोग हुनेछ,’खेलाडीहरूले भने ।


क्याटेगोरी : खेलकुद


तपाईको प्रतिक्रिया दिनुहोस