Techie IT
×
गृहपृष्ठखेलकुदअमेरिकामा लक्ष्मणलाई रजत पदक

अमेरिकामा लक्ष्मणलाई रजत पदक


काठमाडौं, २ जेठ । नेपाली खेलाडी लक्ष्मण वहादुर ऐरले अमेरिकाको मिचिगन राज्यमा संचालन भएको “१३ औं अन्तर्राष्ट्रिय खुल्ला मैत्री तेक्वान्दो प्रतियोगिता”मा रजत पदक जित्न सफल भएका छन् ।

उनले पुरुष ४१–५० वर्षको एकल पुम्सेमा ६.९ अंक जोडी दोस्रो स्थानमा रहे । अमेरिकन पुम्से टिमका रोन सुथविकले ७.१ अंक जोडी प्रथम भएका थिए भने अर्का नेपाली खेलाडी दिपक रानाले ६.१ अंक जोडी तेस्रो स्थान हात पार्न सफल भएका थिए ।

विश्व तेक्वान्दो पुम्से कमिटिका सदस्य समेत रहेका अन्तर्राष्ट्रिय निर्णायक ग्राण्ड मास्टर रेमोण्ड सु लगायत अन्य अन्तर्राष्ट्रिय निर्णायकहरुले उक्त प्रतियोगितामा निर्णायकको भूमिका निर्वाह गरेका थिए ।

गेरुगी (फाईट) तर्फ लक्ष्मणले निर्णायको भूमिका समेत निर्वाह गरेका थिए ।


क्याटेगोरी : खेलकुद, प्रवास
ट्याग : #hot


तपाईको प्रतिक्रिया दिनुहोस