Techie IT
×
गृहपृष्ठविज्ञाननासाका अन्तरिक्ष यात्री पृथ्वीमा अवतरण

नासाका अन्तरिक्ष यात्री पृथ्वीमा अवतरण


अमेरिकी अन्तर्राष्ट्रिय अन्तरिक्ष केन्द्रबाट दुई अन्तरिक्ष यात्रीलाई लिएर आएको यान आइतबार पृथ्वीमा सकुशल अवतरण गरेको छ।

अमेरिकाले झन्डै दुई दशकपछि पहिलो पटक मानवसहितको अन्तरिक्ष यान अन्तर्राष्ट्रिय अन्तरिक्ष केन्द्रमा पठाएको थियो।

यो अभियान अमेरिकी अन्तरिक्ष केन्द्र (नासा) र अमेरिकी धनाढ्य एलन मस्कले स्थापना गरेको निजी कम्पनी स्पेसएक्सद्वारा संयुक्त रूपमा सञ्चालन गरिएको थियो। पछिल्लो उपलब्धिले अमेरिकाले अहिले पनि सुरक्षित रूपमा मानवलाई अन्तरिक्षमा पुर्‍याएर सुरक्षित रूपमा पृथ्वीमा अवतरण गराउने क्षमता रहेको देखाएको छ।

स्पेसएक्समा यात्रारत दुई अन्तरिक्ष यात्री फ्लोरिडा नजिकको समुद्री क्षेत्रमा प्यारासुटमार्फत अवतरण गरेका थिए।

अमेरिकाले सन् १९७५ मा अपोलो–सोयुज मिसनपश्चात पहिलो पटक समुद्री इलाकामा अन्तरिक्ष यात्रीलाई ओरालेको हो। यस मिसनमा कमान्डर बब बेनकिन र डघ हर्ली सहभागी थिए।

अन्तरिक्ष अभियान सफल भएकामा नासाका वैज्ञानिकहरुले सन्तोष व्यक्त गरेका छन्। लागत बढेको भन्दै अमेरिकाले केही वर्षदेखि मानव अन्तरिक्ष अभियान स्थगित गरेको थियो।

दुई महिनाअघि अन्तरिक्ष यान प्रक्षेपणको अवलोकन गर्न फ्लोरिडा पुगेका अमेरिकी राष्ट्रपति डोनाल्ड ट्रम्पले अभियान सफल र सुरक्षित रुपमा सम्पन्न भएकामा बधाई दिएका छन्।


क्याटेगोरी : विज्ञान


प्रतिक्रिया दिनुहोस