सर्वसम्मतिले पारित भयो संविधान संशोधन, निशान छापमा नयाँ नक्सा राखियो

३१ जेठ, काठमाडौं । संविधान संशोधन विधेयेक सर्वसम्मतिले पारित भएको छ । कानुन न्याय तथा संसदीय मामिला मन्त्री शिवमाया तुम्बाहाङ्फेले संसदमा प्रस्तुत गरेको नेपालको संविधान दोस्रो संशोधन विधेयक, २०७७ लाई पारित गरियोस् भनेर प्रस्तुत गरेको प्रस्ताव सर्वसम्मतिले बहुमतले पारित भएको हो ।
प्रतिनिधि सभामा दुई सय ७५ सांसद रहेकामा आज दुई सय ५८ जना उपस्थित थिए । उपस्थित सबैले संशोधनको पक्षमा मतदान गरेका छन् ।

विधेयेक पारित भएसँगै संविधानको अनुसूचीमा रहेको नेपालको नक्सामा कालापानी, लिम्पियाधुरा, लिपुलेकसहितका भूमि अटाएका छन् ।

अब यो विधेयेक राष्ट्रिय सभाबाट पनि पारित हुनुपर्नेछ । त्यसपछि सभामुख अग्नि सापकोटाले प्रमाणित गरेर प्रमाणीकरणको लागि राष्ट्रपति विद्यादेवी भण्डारीकहाँ पठाउने छन् । राष्ट्रपतिबाट प्रमाणीकरण भएपछि नयाँ नक्साले पूर्ण वैधानिकता पाउनेछ ।

सरकारले यसअघि नै नेपालको नयाँ राजनीतिक र प्रशासनिक नक्सा सार्वजनिक गरिसकेको छ । लिपुलेक र लिम्पियाधुरा क्षेत्र हुँदै भारतले कैलास मानसरोवर जाने बाटो निर्माण गरेर उद्घाटन गरेपछि नेपाल सररकाले भारतसँग गम्भीर असहमति जनाउँदै त्यो क्षेत्र नेपालको भूमि भएको भन्दै नयाँ नक्सा जारी गरेको छ ।

सम्बन्धित समाचार

मन्त्रालयको भागबण्डा मिलाउन सत्तारूढ गठबन्धनको बैठक बस्दै

युवाहरूलाई प्रहरीले मुख थुनेर बोल्न नदिएको विषयमा सरकारसँग एमालेकी सांसद…

उपनिर्वाचनको विषयमा छलफल गर्न जसपाको कार्यकारिणी समिति बैठक आह्वान

लुम्बिनी प्रदेशसभाका स्वतन्त्र सांसद सुरुल पुन माओवादी केन्द्रमै फर्किए