Techie IT
×
गृहपृष्ठराजनीतिआजको वार्ता सकियो, भोलि ओली–प्रचण्डबीच पुनः छलफल हुने

आजको वार्ता सकियो, भोलि ओली–प्रचण्डबीच पुनः छलफल हुने


काठमाडौं, २३ असार । पार्टीभित्र देखिएको विवाद सल्टाउनेगरी भएको नेपाल कम्युनिष्ट पार्टी (नेकपा) का अध्यक्षद्वय केपी शर्मा ओली तथा पुष्पकमल दाहाल ‘प्रचण्ड’बीचको वान–टु–वान वार्ता सम्पन्न भएको छ ।

प्रधानमन्त्रीको सरकारी निवास बालुवाटारमा करिब तीन घण्टा लामो चलेको वार्ता सकारात्मक भएको अध्यक्ष प्रचण्डका प्रेस सल्लाहकार विष्णु सापकोटाले बताए । दुई अध्यक्षबीच भोलि बुधबार बिहान पुनः वार्ता हुने उनले जानकारी दिए । भोलि बिहान ११ बजे नेकपा स्थायी कमिटीको बैठक बालुवाटारमा बस्दैछ ।

त्यसअघि दुई अध्यक्षबीच छलफल हुनेछ । पार्टीभित्र चुलिएको विवादलाई निकास दिनेगरी सक्रिय रहेका अध्यक्षद्वयले भोलिसम्म सहमतिमा पुग्ने अध्यक्षका सचिवालयका सदस्यहरूको विश्वास छ ।

यसैबीच अध्यक्षद्वयलाई सहयोग गर्न जिम्मेवारी पाएका चारजना नेताहरूको बैठक पनि आन्तरिकरुपमा बसिरहेको सचिवालयका सदस्यहरूले बताएका छन् ।


क्याटेगोरी : राजनीति
ट्याग : #hot


तपाईको प्रतिक्रिया दिनुहोस