Techie IT
×
गृहपृष्ठराजनीतिसकियो प्रचण्ड–ओली वार्ता, सहमतिका आधारहरु खोज्ने सहमति

सकियो प्रचण्ड–ओली वार्ता, सहमतिका आधारहरु खोज्ने सहमति


काठमाडौं, २१ असार । नेकपा अध्यक्षद्वय केपी शर्मा ओली र प्रचण्डवीच पार्टी आइतबार भेटवार्ता भएको छ । एकतालाई बचाउँदै सहमतिका आधारहरु खोज्ने सहमति भएको प्रचण्ड निकट एक नेताले बताए । सोमबार बिहान स्थायी कमिटीको बैठक बस्नुअघि दुई अध्यक्षवीच पुनः छलफल गर्ने सहमति भएको जनाइएको छ ।

आइतबार दिउँसो प्रधानमन्त्रीनिवास बालुवाटारमा प्रधानमन्त्री एवं अध्यक्ष केपी ओली र कार्यकारी अध्यक्ष प्रचण्डवीच वार्ता भएको हो। वार्तामा केपी ओलीका तर्फबाट उपप्रधानमन्त्री ईश्वर पोखरेल, पार्टी महासचिव विष्णु पौडेल र प्रदेश ५ का मुख्यमन्त्री शंकर पोखरेल सहभागी थिए । प्रचण्डका तर्फबाट वर्षमान पुन र जनार्दश शर्मासमेत सहभागी थिए ।

छलफलमा दुबै समूहका नेताहरु पार्टी एकतालाई बचाउन सहमति देखिएको र दुबैतर्फबाट दुरी एवं आशंका बढाउने क्रियाकलापहरु रोक्न सहमत भएका छन् । विगतमा भएका समझदारीहरुका आधारमा पार्टी एकताको आधार तयार पार्न दुबै अध्यक्ष सहमत देखिएका छन् ।

यसका लागि सोमबार बिहान स्थायी कमिटीको बैठकअघि पुनः दुई अध्यक्षवीच छलफल हुने छ ।

पछिल्लो समय नेकपामा विवाद चर्कंदै जाँदा एकापसमा आशंका र दुरी बढ्दै गइरहेको छ । सरकारले पार्टी फुटाउने अध्यादेश ल्याउने हो कि भन्ने प्रचण्ड–माधव पक्षमा अशंका छ भने बहुमतले प्रधानमन्त्रीबाट हठाउने हो कि भन्ने चिन्ता ओली पक्षलाई छ ।


क्याटेगोरी : राजनीति
ट्याग : #breaking


तपाईको प्रतिक्रिया दिनुहोस