Techie IT
×
गृहपृष्ठराजनीतिकाँग्रेसका कार्यकर्ताले वडा कार्यालयको कागजपत्र च्याते, उल्टै वडा कार्यालयको विरोध

काँग्रेसका कार्यकर्ताले वडा कार्यालयको कागजपत्र च्याते, उल्टै वडा कार्यालयको विरोध


काठमाडौं । २०७७ साल असार ८ गते विहान ११ः३० बजेको समयमा काठमाडौं महानगरपालिका–४ नं. वडा कार्यालयमा केही व्यक्ति एक्कासी प्रवेश गरी वडा अध्यक्षसहित जनप्रतिनिधिहरु, त्यहाँ कार्यरत कर्मचारी र सेवाग्राहीहरुमाथि हातपात गर्ने, सरकारी कागजात च्यात्ने काम गरेका छन् ।

एक जना जेष्ठ नागरिककोे विशेष भत्ता वितरणमा भएको सामान्य मानवीय त्रुटिलाई निहुँ बनाएर कार्यालयमा भएको हुलदङ्गाको विरुद्ध कानुनी कार्वाहीमा सहयोग गर्नु पर्ने नेपाली कांग्रेस र यस पार्टीसँग आवद्ध संस्थाहरुले उल्टो यसलाई राजनीतीकरण गरेर परिस्थितिलाई अनावश्यक उत्तेजना तिर मोड्न खोजेको वडा कार्यालयले जनाएको छ ।

विशेष भत्ता वितरणमा भएको मानवीय कमजोरीका बारेमा वडा अध्यक्षले आफूले अनुसन्धान गर्ने र त्रुटि भएको भए सच्याउने भन्दाभन्दै जुन ढङ्गले वडा अध्यक्षमाथि नै हुलहुज्जत, हातपात भयो, यो सुनियोजित परिघटना भएको पछिल्ला दिनका नेपाली कांग्रेस र सम्वद्ध संस्थाहरुको गतिविधिले देखाइरहेको वडा सदस्य तथा नेकपा वडा अध्यक्ष ध्रुव त्रिपाठीले जानकारी दिए ।

विश्वभरि महामारीको रुपमा फैलिरहेको कोरोनाभाइरसका विरुद्धको लडाईमा वडा अध्यक्ष मोहन बिष्टको नेतृत्वको टिमको सक्रियता, यस वडामा निरन्तर भइरहेको तीब्र विकास÷निर्माण, जनसेवा अनि भूमाफियाका विरुद्धको सम्झौताहीन सङ्घर्षका बारेमा सर्वत्र प्रशंसा भइरहेको छ । वडाले गरेको विकास, जनसेवा र गलत कार्यको विरुद्ध भएको सम्झौताहीन सङ्घर्षमा साथ दिनुपर्नेमा त्यसको उल्टो नेपाली कांग्रेसले कार्यालयमा आएर हुलदङ्गा गर्नेहरुको पक्षमा वकालत गर्ने, वडाको नेतृत्वका विरुद्ध दुष्प्रचार गर्ने, अड्डा अदालत धाउने जस्ता कार्य गर्नु निन्दनीय भएको नेकपाका अर्का वडा अध्यक्ष लक्ष्मण थापा मगरले बताएका छन् । यस्ता जालीझेली र उदण्डताको तरिकाबाट होइन स्वस्थ राजनीतिक प्रतिस्पर्धाबाट नै जनताको मन जित्न हामी नेपाली काँग्रेस र आवद्ध संस्थाहरुको नेतृत्वसँग वडाले आग्रह गरेको छ ।


क्याटेगोरी : राजनीति


तपाईको प्रतिक्रिया दिनुहोस