राष्ट्रपतिलाई भेटेर के भने प्रचण्ड, झलनाथ र माधव नेपालले ?

काठमाडौं, २१ असार । सत्तारूढ नेपाल कम्युनिष्ट पार्टीका अध्यक्षसहित तीन नेताहरूले राष्ट्रपति विद्यादेवी भण्डारीमाथि महाअभियोग लगाउने कुनै योजना नभएको बताएका छन्। आइतबार शीतल निवास पुगेर नेकपा अध्यक्ष प्रचण्ड, बरिष्ठ नेताहरु झलनाथ खनाल र माधव नेपालले राष्ट्रपतिलाई महाअभियोग लगाएर हटाउने हल्ला बालुवाटरले फैलाएको र त्यसमा कुनै पनि सत्यता नभएको बताएका हुन् ।

शनिबार साँझ प्रधानमन्त्री केपी शर्मा ओलीले बालुवाटारमा मन्त्रिपरिषदका सदस्यहरूसँग राष्ट्रपतिमाथि महाअभियोग लगाउने षडयन्त्र भइरहेको बताएका थिए।

पार्टीका निर्णय र सहमतिहरु एकपछि अर्को गर्दै लत्याएका प्रम ओलीको राजीनामा मागिरहेका नेकपा अध्यक्ष पुष्पकमल दाहाल, बरिष्ठ नेताहरू झलनाथ खनाल र माधवकुमार नेपालले आइतबार बिहान राष्ट्रपति भण्डारीलाई भेटेका हुन् ।

राष्ट्रपति भण्डारीसँग नेताहरूले झन्डै ४५ मिनेट कुराकानी भएको नेकपाका एक सचिवालय सदस्यले बताए । राष्ट्रपतिसँग तीन नेताले प्रधानमन्त्री ओलीले चाल्ने असंवैधानिक कदमलाई साथ नदिन पनि आग्रह गरेका थिए।

सम्बन्धित समाचार

मन्त्रालयको भागबण्डा मिलाउन सत्तारूढ गठबन्धनको बैठक बस्दै

युवाहरूलाई प्रहरीले मुख थुनेर बोल्न नदिएको विषयमा सरकारसँग एमालेकी सांसद…

उपनिर्वाचनको विषयमा छलफल गर्न जसपाको कार्यकारिणी समिति बैठक आह्वान

लुम्बिनी प्रदेशसभाका स्वतन्त्र सांसद सुरुल पुन माओवादी केन्द्रमै फर्किए