गृहपृष्ठ ∕
राजनीति ∕
नेपालीसँग विवाह गरेका विदेशी महिलालाई सात वर्षपछि मात्र नागरिकता
नेपालीसँग विवाह गरेका विदेशी महिलालाई सात वर्षपछि मात्र नागरिकता
काठमाडौँ, ६ असार। नेकपा सचिवालय बैठकले नेपालीसँग विवाह गरेका विदेशी महिलालाई सात वर्षपछि मात्र नागरिकता दिइनु उपयुक्त हुने निष्कर्ष निकालेको छ ।
नेपाली पुरुष नागरिकसँग विवाह गर्ने महिलाले प्राप्त गर्ने अङ्गीकृत नागरिकताको प्रावधानबारे विदेशी महिलाको हकमा सात वर्ष देशभित्र बसेको पुष्टि भएपछि आफ्नो विदेशमा रहेको नागरिकता वा त्यस्तै अन्य प्रमाणपत्र लिएको भए त्यसलाई परित्याग गर्ने कारबाही चलाएको प्रमाण पेश गरेपछि मात्र सम्बन्धितले वैवाहिक अङ्गीकृत नागरिकता दिइनु उपयुक्त हुने निष्कर्ष निकालेको हो ।
नेकपा सचिवालय बैठकमा यसबारे छलफल भएपछि निष्कर्ष सुनाउँदै गैरआवसीय नेपालीको हकमा सामाजिक, सांस्कृतिक र आर्थिक सम्पूर्ण अधिकार विवाह गरेको दिनदेखि प्राप्त गर्न सक्ने गरी उनीहरुलाई आवासीय परिचयपत्र पाउनसक्ने कुरा पार्टी प्रवक्ता नारायणकाजी श्रेष्ठले बताए । हाल नागरिकता विधेयक संसदमा छलफलका क्रममा रहेकाबेला नेकपाको सो निर्णय आएको हो ।
बैठकमा एमसीसीबारे कुनै छलफल नभएको उनले जानकारी गराए ।
क्याटेगोरी :
राजनीति
ट्याग : #breaking
