एमाले लुम्बिनी प्रदेशमा नयाँ नेतृत्वका लागि मतदान हुने निश्चित : राति ८ बजेदेखि मतदान सुरु गरिने
२०८० भाद्र १८, सोमबार १८:३८ मा प्रकाशित
बुटवल । नेकपा एमाले लुम्बिनी प्रदेशको नयाँ नेतृत्वका लागि निर्वाचन हुने निश्चित भएको छ । बुटवलमा जारी एमाले लुम्बिनी प्रदेशको अधिवेशनमा निर्वाचन हुने निश्चित भएको हो ।
पार्टी अध्यक्ष केपी शर्मा ओलीले सर्वसम्मतबाटै नेतृत्व चयन गर्न निर्देशन दिंदा दिंदै पनि निर्वाचन नै हुने भएको छ । नेताहरु दुई प्यानल बनाएर चुनावी मैदानमा उत्रिएका छन् ।
सर्वसम्मतमा नेतृत्व चयन गर्ने विषयमा नेताहरुबीच सहमति नभएपछि राति ८ बजेदेखि मतदान हुने भएको छ । उम्मेदवारको अन्तिम नामावली प्रकाशन गरिएको निर्वाचन समितिले जनाएको छ । राति ८ बजेदेखि मतदान सुरु गरिने निर्वाचन आयोगका प्रमुख हरि भण्डारीले जानकारी दिए ।
प्रदेश अध्यक्षको लागि हरि रिजाल र राधाकृष्ण कँडेलले उम्मेदवारी दर्ता गराएका छन् । रिजाल महासचिव शंकर पोखरेल र कँडेल उपाध्यक्ष विष्णु पौडेल निकट मानिन्छन् ।
धेरै पढिएका
तपाईको प्रतिक्रिया दिनुहोस