काठमाडौ । नेपाली कांग्रेसका सभापति शेरवहादुर देउवाले एमसीसीको पक्षमा सडकमा उत्रन आफ्नो पार्टीका भ्रातृ संगठनहरुलाई निर्देशन दिएका छन् । प्रधानमन्त्री केपी शर्मा ओलीसँगको टेलिफोन वार्तापछि कांग्रेस सभापति देउवाले यो निर्देशन दिएका हुन् ।
समाचार स्रोतका अनुसार प्रधानमन्त्री ओलीले गत शुक्रबार बेलुका कांग्रेस सभापति एवम् प्रमुख प्रतिपक्षी दलका नेता देउवालाई टेलिफोन गरी एमसीसी विधेयकको विषयमा आफूलाई आफ्नै पार्टीबाट असहयोग भएको र प्रतिगामी शक्तिले सडकमा जुलुस समेत सुरु गरेको वताएका थिए । यो अवस्थामा एमसीसी विधेयकलाई थाती राख्नु बाहेक आफूसँग अर्को विकल्प नभएको प्रधानमन्त्री ओलीको भनाई थियो । ओलीको यो भनाइपछि सभापति देउवाले एमसीसी विधेयकलाई अघि बढाउने मामिलामा आफू सरकारलाई जुनसुकै सहयोग गर्न पनि तयार रहेको बताएका थिए ।
समाचार स्रोतका अनुसार एमसीसीको विपक्षमा सडकमा नारा लागेपछि त्यसलाई काउण्टर दिन कांग्रेस सभापति देउवाले मंगलबारदेखि आफ्नो पार्टीका भ्रातृ संगठनहरुलाई सडकमा उतार्न लागेका हुन् ।
यतिबेला कांग्रेस सभापति देउवा आफ्नै पार्टीका जुझारु युवा नेता गगन थापाको गतिविधिसँग पनि शशंकित छन् । अहिले विना नेतृत्व तथा विना आह्वान सडकमा सरकारविरुद्ध युवाहरु निस्केका छन् । संसदमा गगन थापाले उठाएको आवाज र यी युवाहरुले सडकमा उठाएको आवाज लगभग मिल्दो जुल्दो रहेको ठम्याई देउवाको छ ।
सडक आन्दोलनका लागि भारतीय गुप्तचर एजेन्सी ‘रअ’ को हात रहेको र यसको भित्री नेता गगन थापा रहेको ठम्याइ देउवाको छ । आन्दोलन बढ्दै जाँदा नेतृत्व गगन थापाको हातमा पुग्ने ठम्याइका साथ देउवा शशंकित भएका हुन् ।
विगतमा शाही शासनविरुद्ध सडक आन्दोलन हुँदा सुरुवाती चरणमा नेपाली कांग्रेसका तत्कालीन सभापति गिरिजाप्रसाद कोइराला पनि गगन थापासँग यसरी नै शशंकित थिए । गणतन्त्रको माग राख्दै सडकमा निस्केका युवाहरुको नेतृत्व नेवि संघका तत्कालीन महामन्त्री गगन थापाले गरिररहेका थिए । यता सभापति कोइराला भने दरबार र ‘रअ’ को इशारामा सडकमा गणतन्त्रको पक्षमा नारा लागेको विश्लेषण गर्दै थिए ।
उनले यही निहुँमा गगन थापालाई नेविसंघको महामन्त्री पदबाट अपदस्थ समेत गरेका थिए । राजा र संसदवादी दलहरुबीच सम्बन्ध विगार्न ‘रअ’ ले गगन थापा प्रयोग गरेको विश्लेषण त्यतिबेला कांग्रेस सभापति कोइरालाको थियो ।
यतिबेला देउवाले पनि करिव करिव त्यही विश्लेषण गरेका छन् । एमसीसी विधेयक फिर्ता गराएर नेपाल र अमेरिकाबीचको सम्बन्ध विगार्ने रणनीति अनुसार भारतीय गुप्तचर एजेन्सी ‘रअ’ ले सडक आन्दोलन शुरु गरेको सभापति देउवाको विश्लेषण छ । लिम्पियाधुरा क्षेत्र समेटेर नेपालको नक्शा जारी गर्न सरकारसँग माग गर्ने निर्णय नेपाली कांग्रेसको गत कात्तिकमा बसेको बैठकले गरेको थियो । यो निर्णयपछि कांग्रेस सभापति देउवासँग भारत थप चिढिएको छ । यो अवस्थामा भारतले गगन थापालाई हिरो बनाएर आफूलाई असान्दर्भिक बनाउने त होइन ? भनेर देउवा शशंकित छन् । यो अवस्थामा अमेरिकासँगको आफ्नो सम्बन्धलाई थप बलियो बनाउने अभियानअन्तर्गत सभापति देउवा कुनै पनि हालतमा एमसीसी विधेयक पारित गराउने अभियानमा छन् ।
यता सभापति देउवा पार्टीभित्र थप शक्तिशाली बन्दै गएको विश्लेषण संस्थापन इतर पक्षको छ । कोरानाका कारण १४ औं महाधिबेशन अनिश्चित बनेपछि देउवाको भाग्य खुलेको हो । अब आगामी स्थानीय, प्रदेश र प्रतिनिधिसभाको निर्वाचनभन्दा अघि १४ औं महाधिबेशन हुने सम्भावना देखिदैंन । यी तीन वटै निर्वाचनमा टिकट बाँड्ने देउवाले नै हो । यो निर्वाचनपछि ‘हङ पार्लियामेन्ट’ बन्ने सम्भावना बढेको छ । ‘हङ पािलर्यामेन्ट’ देउवाका लागि फाप्ने निश्चित छ । अब तीन वर्षपछि आफू प्रधानमन्त्री बन्ने विश्लेषण सभापति देउवाको छ । देउवा प्रधानमन्त्री रहेकै अवस्थामा १४ औं महाधिबेशन हुनु भने को थप पाँच वर्षका लागि देउवालाई सभापति बन्ने बाटो खुल्नु हो । समयबद्ध साप्ताहिकबाट
क्याटेगोरी :
राजनीति
ट्याग : #breaking
