Techie IT
×
गृहपृष्ठप्रदेशसुदूरपश्चिम प्रदेशयी हुन् धनगढीमा गस्ती गरिरहेका दुई प्रहरीको हत्या गर्ने ‘स्थानीय तस्कर’

यी हुन् धनगढीमा गस्ती गरिरहेका दुई प्रहरीको हत्या गर्ने ‘स्थानीय तस्कर’


धनगढी, ४ कार्तिक । गस्तीमा खट्नु भएका प्रहरी सहायक निरीक्षक गोविन्द बिक र प्रहरी जवान रामबहादुर साउदको हत्यामा संलग्न सात जनालाई पक्राउ गरी कैलाली प्रहरीले सार्वजनिक गरेको छ ।

जिल्ला प्रहरी कार्यालय कैलालीले आज अपराह्न पत्रकार सम्मेलन गरी उनीहरुलाई सार्वजनिक गरेको हो । हत्याको आरोपमा पक्राउ पर्नेमा धनगढी उपमहानगरपालिका–१० का पर्कु भन्ने रोहित राना, राजेन्द्र राना, चोर भन्ने सुरेश राना, गब्बर भन्ने राजकुमार राना, रामनिवास राना, टल्लु भन्ने दलराम राना र वडा नम्बर ११ का गोपाल भन्ने रामगोपाल राना रहेका छन् । उनीहरु सबै स्थानीय तस्कर रहेको प्रहरीले जनाएको छ ।

गस्तीमा गएको प्रहरीले तस्करी नियन्त्रण गर्न खोज्दा तस्करहरुले योजनावद्ध रुपमा प्रहरीको हत्या गरेको जिल्ला प्रहरी कार्यालयका प्रहरी नायब उपरीक्षक प्रतीक बिष्टले जानकारी दिए । धारिलो हतियार प्रहार गरेर प्रहरीको हत्या गरी अपराध लुकाउन शव नदीमा फालेको उनले बताए ।

मृतक दुवै प्रहरीको शव मोहना नदीमा फेला परेको थियो । उनीहरु दुवैजना धनगढी उपमहानगरपालिका–१२ जुगेडास्थित अस्थायी प्रहरी चेकपोष्टमा कार्यरत थिए ।


क्याटेगोरी : सुदूरपश्चिम प्रदेश
ट्याग : #dhangadhi, #hot, #nepal police