Techie IT
×
गृहपृष्ठप्रदेशबाग्मती प्रदेशउपप्रधानमन्त्री पोखरेल र खेलकुद मन्त्री तामाङलाई सिन्धुपाल्चोकमा कालो झण्डा

उपप्रधानमन्त्री पोखरेल र खेलकुद मन्त्री तामाङलाई सिन्धुपाल्चोकमा कालो झण्डा


सिन्धुपाल्चोक, २३ पुस । उपप्रधानमन्त्री ईश्वर पोखरेल र युवा तथा खेलकुद मन्त्री दावा तामाङलाई सिन्धुपाल्चोकमा कालो झण्डा देखाइएको छ। बिहीबार सिन्धुपाल्चोकको खाँडीचौरमा आयोजना गरिएको नेपाल कम्युनिस्ट पार्टी (नेकपा) ओली पक्षका अगुवा कार्यकर्ता भेलालाई सम्बोधन गर्न आएका पोखरेल र तामाङलाई जिल्लाका युवा संघ र अनेरास्ववियुका युवा नेताहरूले कालो झण्डा देखाएका हुन्।

अनेरास्ववियूको केन्द्रीय सर्कुलरअनुसार कार्यक्रम गरिएको अनेरास्ववियूका जिल्ला संयोजक मिलन तामाङले जानकारी दिए। जिल्लाका अखिल नेपाल राष्ट्रिय स्वतन्त्र विद्यार्थी युनियन र युवा संघका गरी करिब ५० जना नेताको उपस्थिति थियो।

प्रधानमन्त्री केपी शर्मा ओलीले पुस ५ गते गरेको प्रतिनिधिसभा विघटनविरुद्ध नेकपाकै नेता तथा भ्रातृ संगठनका नेता कार्यकर्ताहरूले विभिन्न विरोधका कार्यक्रम गर्दै आइरहेका छन्।


क्याटेगोरी : बाग्मती प्रदेश
ट्याग : #breaking, #dawa tamang, #ishwor pokhrel, #kalo jhanda, #sindhupalchowk


तपाईको प्रतिक्रिया दिनुहोस