सांसदको हातमा नपुग्दै वडा अध्यक्षको हातमा बजेट किताव ?

काठमाडौं । बागमती प्रदेश सरकारले असार १ गते प्रस्तुत गरेको बजेट विवादित बन्दै गइरहेको छ । आर्थिक बर्ष २०७७/०७८ को बजेट बागमती प्रदेश सरकारको आर्थिक मामिला तथा योजना मन्त्री कैलाश प्रसाद दुङ्गेलले सदनमा प्रस्तुत गरिसकेपछि सांसदहरुको हात हातमा कार्यक्रमको पुस्तक पुग्नुपर्ने कानुनी व्यवस्था छ तर बजेटमाथि छलफल सकेर सांसदहरु निर्वाचन क्षेत्रतर्फ फर्किसकेपछि पनि किताव पाउन नसकेको उनीहरुको गुनासो रहेको छ ।

यति मात्र होइन आफ्नो निर्वाचन क्षेत्रका वडा अध्यक्षहरुले आफ्नो वडामा परेको कार्यक्रमको पानाहरु सामाजिक सञ्जालमा पोष्ट गर्दै धन्यवाद दिएको देखेर आफू आश्चर्यमा परेको प्रदेश सभा सदस्य निमा लामाले बताएका छन् । नेपाली कांग्रेसको तर्फका सांसद निमा लामाले आफ्नो सामाजिक सञ्जालमा असार ५ गते भइसक्दा पनि योजना तथा कार्यक्रमहरुको विवरण सरकारले सांसदलाई नदिएको, सभामुखलाई समेत गुमराहमा राखेको, मन्त्रीले सदनलाई ढाँटेको भन्दै सरकारको गोपनीयतामाथि प्रश्न गरेका छन् । उनले आर्थिक मामिला तथा योजना मन्त्रालयबाट यसको जवाफको अपेक्षा समेत गरेका छन् ।

सम्बन्धित समाचार

काठमाडौंको दक्षिणकालीमा जिप दुर्घटना हुँदा एक जनाको घटनास्थलमै मृत्यु

नुवाकोटका सन्त बहादुर तामाङ भरूवा बन्दुकसहित पक्राउ

हेटौँडामा जिपको ठक्करबाट घाइते भएका बालकको मृत्यु

सरकारमा जाने तयारीमा रहेको नेकपा एकीकृत समाजवादीको बैठक जारी