मौसम खराब हुँदा गृहमन्त्री लिएर बागलुङ उडेको हेलिकोप्टर पोखरामै अवतरण

पोखरा, १८ भदौ । मौसम खरावीका कारण राहत सामग्रीसहित गृहमन्त्री रामबहादुर थापालाई लिएर बागलुङको ढोरपाटन हिडेको नेपाली सेनाको हेलिकोप्टर पोखरा फर्किएको छ । काठमाडौंबाट राहत सामग्री लिएर उडेको हेलिकोप्टर खराव मौसमका कारण स्याङ्जा पुगेर फर्कीएका गृहमन्त्रीका प्रेस संयोजक किरण भट्टराइले जानकारी दिए।

गृहमन्त्री सहित बागलुङ क्षेत्र नम्बर दुईका सांसद देवेन्द्र पौडेल र राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी निर्देशक अनिल पोखरेल सवार हेलिकोप्टर मौसम खरावीका कारण स्याङ्जाबाट पास हुन नसकेको भट्टराईले बताए । ‘हामी अहिले पोखरा विमानस्थमा छौं, मौसम खुले बागलुङ जाने नखुले काठमाडौं नै फर्कने छौं ।’ भट्टराईले भने ।

ढोरपाटन नगरपालिका वडा नं. ९ को सुर्तिवाङ लेकबाट खसेको पहिरो र भुजी खोलामा आएको बाढीका कारण ढोरपाटन नगरपालिका वडा नं. ७, ८ र ९ का ३० जना भन्दा बढी वेपत्ता भएका थिए । वेपत्ता मध्य अहिलेसम्म १३ जनाको शव भेटिएको प्रहरीले जनाएको छ ।

सम्बन्धित समाचार

ताप्लेजुङको पाथीभरा क्षेत्रमा वर्षासँगै हिमपात

वीरगंज ड्राईपोर्टको मुलगेटमा फेरी स्थानीयको चक्काजाम

कोशी प्रदेशका मुख्यमन्त्री हिक्मतकुमार कार्की चढेको सवारीमाथि ओखलढुंगामा आक्रमण प्रयास

भुटानी फुटबल टिम काठमाडौं आइपुग्यो, लाओसको टिम पनि आउँदै