गृहपृष्ठ ∕
प्रदेश ∕
चितवनमा ज्यान गुमाएका तीन जनाको कोरोना संक्रमण पुष्टि
चितवनमा ज्यान गुमाएका तीन जनाको कोरोना संक्रमण पुष्टि
काठमाण्डौ, १६ भदौ । चितवनको भरतपुर अस्पतालमा सोमबार राति ज्यान गएका तीन जनामा कोरोना भाइरस सङ्क्रमण पुष्टि भएको छ ।
मृतक तीन जनाकै स्वाब परीक्षण गर्दा कोरोना देखिएको अस्पतालमा सूचना अधिकारी लीलाधर पौडेलले जानकारी दए ।
ज्यान गएकामध्ये ५५ र १८ वर्षका महिला छन् भने ६५ वर्षका पुरुष रहेका छन् । उनीहरु सबै चितवनका हुन् । मृतक सबै अस्पताल चाहार्दा चाहार्दै भरतपुर अस्पताल पुगेका थिए ।
चितवनका मेडिकल कलेज र अस्पतालले सघन उपचार कक्ष अभाव भएको र पीसीआर परीक्षण गर्नुपर्ने भन्दै अन्तिम अवस्थामा सरकारी अस्पताल पठाएका थिए ।
उनीहरुको अस्पताल पुगेको केही समयमै ज्यान गएको हो । भरतपुर अस्पतालका निमित्त मेडिकल सुपरिटेण्डेण्ट डा।जगन्नाथ तिवारीकाअनुसार मृत्यु भएका तीनै जनामा कडा निमोनिया देखिएको थियो ।
क्याटेगोरी :
प्रदेश,
बाग्मती प्रदेश
ट्याग : #Corona,
#hot
