पाटन अस्पतालमा उपचाररत जनकपुरकी महिलाको कोरोनाले मृत्यु

काठमाण्डौ, २८ साउन । ललितपुरको पाटन अस्पतालमा उपचाररत जनकपुरकी ३८ वर्षकी महिलाको कोरोनाका कारण ज्यान गएको अस्पतालले जनाएको छ । उनको मृत्युसँगै नेपालमा कोरोना संक्रमणका कारण ज्यान गुमाउनेको संख्या ८४ पुगेको छ ।

गएको साउन १८ गते अस्पताल भर्ना भएकी महिलाको आईसीयूमा उपचारका क्रममा राति ज्यान गएको हो ।

स्वास्थ्य तथा जनसंख्या मन्त्रालयले भने यसबारेमा नियमित पत्रकार सम्मेलनमा जानकारी दिनेछ । अहिलेसम्म ४ लाख ६२ हजार ६ सय ९८ जनाको पीसीआर परीक्षण गर्दा २३ हजार ९ सय ४८ जनामा कोरोना पुष्टि भएको छ ।

जसमध्ये १६ हजार ६ सय ६४ जना निको भएका र ७ हजार २ सय १ जना आइसोलेशनमा रहेका मन्त्रालयले जानकारी दिएको छ ।

सम्बन्धित समाचार

बागमतीका मुख्यमन्त्री जम्कट्टेलले आज विश्वासको मत लिँदै

काठमाडौंको दक्षिणकालीमा जिप दुर्घटना हुँदा एक जनाको घटनास्थलमै मृत्यु

नुवाकोटका सन्त बहादुर तामाङ भरूवा बन्दुकसहित पक्राउ

सल्यानमा आगलागीमा परी गम्भीर घाइते भएका चारजनालाई उपचारार्थ भारत लगियो