मेलम्चीमा बेपत्ताको खोजीमा परिचालित गोताखोरको डुंगा पल्टियो

काठमाडौं, १ साउन । मेलम्ची खानेपानी आयोजनाको सुरुङ फुट्दा बेपत्ता भएकाको खोजीमा गएको गोताखोरको डुंगा पल्टिएको छ ।

आज बिहान इन्द्रावतीमा हराइरहेकाको खोजी गर्ने क्रममा सशस्त्रका प्रहरी निरीक्षकसहित ७ जना रहेको डुंगा पल्टिएको जिल्ला प्रहरी कार्यालय सिन्धुपाल्चोकका डिएसपी माधव काफ्लेले जानकारी दिए । उनीहरु सबैको सकुशुल उद्धार गरिएको छ ।

मेलम्ची खानेपानी आयोजनाकोे सुरुङ परीक्षणका क्रममा अस्ति एक्कासी गेट खुल्दा इञ्जिनियर सतिश गोहित र चालक राधाकृष्ण थापामगर सम्पर्कबिहीन भएकामा गोहितको शव हिजो भेटिएको थियो ।

थापामगरको अवस्था भने अझै थाहा हुन सकेको छैन । अहिले पनि उनको खोजी चलिरहेको प्रहरीले जनाएको छ ।

सम्बन्धित समाचार

पर्सामा चितुवाको आक्रमणबाट प्रहरीसहित ती जना घाइते

आजदेखि चैते दशैंको नवरात्र सुरु

लुम्बिनी प्रदेशसभाका स्वतन्त्र सांसद सुरुल पुन माओवादी केन्द्रमै फर्किए

तनहुँ जलविद्युत आयोजना तोकिएकै समयमा सम्पन्न गर्न निर्देशन