रुकुम घटनामा ज्यान गुमाएका परिवारलाई एक दिइने

कालीकोट, ३ असार । रुकुम घटनामा ज्यान गुमाएका परिवारलाई कर्णाली प्रदेश सरकारले एक÷एक लाख रुपैयाँ राहत दिने भएको छ ।

रुकुम घटनामा ज्यान गुमाएका जाजरकोटका ६ जनाको परिवारलाई एक लाखका दरले राहत उपलब्ध गराउने आर्थिक मामिला तथा योजना मन्त्री प्रकाश ज्वालाले बताए । मृतकका परिवारलाई राहत दिने निर्णय मन्त्रिपरिषद्को बैठकमा भएको हो ।

यस निर्णयले परिवारको पीडामा कम गर्ने प्रदेश सरकारले अपेक्षा लिएको छ । रुकुम पश्चिमको चौरजहारी नगरपालिका ८ सोतीमा भएको घटनामा जाजरकोटका ६ जनाको ज्यान गएको थियो ।

भेरी नगरपालिका जाजरकोटका नवराज विक,सन्दीप विक, गणेश विक, टीकाराम सुनार, गोविन्द शाही र लोकेन्द्र सुनारले ज्यान गुमाएका थिए ।

सम्बन्धित समाचार

काठमाडौंको दक्षिणकालीमा जिप दुर्घटना हुँदा एक जनाको घटनास्थलमै मृत्यु

नुवाकोटका सन्त बहादुर तामाङ भरूवा बन्दुकसहित पक्राउ

सल्यानमा आगलागीमा परी गम्भीर घाइते भएका चारजनालाई उपचारार्थ भारत लगियो

बैतडीको पाटन बजारमा डोजर चल्यो