पूर्वी नवलपरासीमा कोरोना सङ्क्रमणले एकको मृत्यु

गैँडाकोट, १८ भदौ । पूर्वी नवलपरासीको गैँडाकोट नगरपालिका वडा नं ५ का एक युवकको कोरोना सङ्क्रमणका कारण ज्यान गएको छ । चितवनको भरतपुरस्थित चितवन मेडिकल कलेजमा गत भदौ ९ गते भर्ना भएका ३७ वर्षीय युवकको आज दिउँसो २ बजे ज्यान गएको अस्पतालका निर्देशक डा. दयाराम लम्सालले बताए ।

ती युवकमा अल्कोहलिक हेपाटाईटीस तथा मिर्गौला पीडित रहेकोमा भदौ १० गते कोरोना परीक्षण गर्दा पोजिटिभ पाइएको चितवन मेडिकल कलेजले आज निकालेको विज्ञप्तिमा उल्लेख गरिएको छ ।

पूर्वी नवलपरासीमा यसअघि विनयी त्रिवेणी गाउँपालिका वडा नं ६ का ६२ वर्षीय पुरुषको समेत कोरोना सङ्क्रमणका कारण ज्यान गएको थियो । पूर्वी नवलपरासीमा कोरोना सङ्क्रमणका कारण ज्यान गुमाउनेको सङ्ख्या दुई पुगेको छ ।

सम्बन्धित समाचार

काठमाडौं महानगरपालिकामा ‘कोठा खाली गर्ने’ उजुरी बढ्यो

प्रधानमन्त्री प्रचण्ड आज गोरखा जाने

आज देशभर मेघ गर्जन, चट्याङसहित वर्षाको सम्भावना

वीरगंज ड्राईपोर्टको मुलगेटमा फेरी स्थानीयको चक्काजाम