काठमाडौं उपत्यकाको निषेधाज्ञा एक साता थपियो

काठमाडौं, १७ भदौ । काठमाडौं उपत्यकामा जारी निषेधाज्ञा थप एक साता लम्ब्याइने निर्णय भएको छ । गृह मन्त्रायलसँग छलफल गरेपछि उपत्यकाका तीन प्रमुख जिल्ला अधिकारीहरुले निषेधाज्ञा थप्ने भएका हुन् ।

यस पटकको निषेधाज्ञामा भने केही सेवालाई सञ्चालनको लागि छुट दिइएको छ । यस बारेमा सूचना जारी गरेर थप प्रष्ट पारिने सम्बद्ध स्रोतले बतायो ।

यसअघिको निषेधाज्ञामा नियमित सेवा प्रदान गर्नुपर्ने कार्यालय जाने कर्मचारी विहान ९ बजेदेखि साढे १० बजेसम्म र बेलुका ३ देखि साढे ५ बजेसम्म आउजाउ गर्न सक्ने भनिएको थियो ।

होटल, रेष्टुरेन्ट, फुटपाथ पसल अझै बन्द हुनेछन् । बैंक लगायतका निकायले न्यूनतम कर्मचारी राखेर स्वास्थ्य सुरक्षाको मापदण्ड पालना गरी सेवा दिन सक्नेछन् ।
औषधी लगायत अन्य अत्यावस्यकीय सेवा भने यसअघि पनि रोकिएको थिएन । यद्यवी वाहिर निस्कँदा मास्क लगाउन भने अनिवार्य गरिएको छ ।

उपत्यकामा कोरोना भाइरसको संक्रमण बढेपछि तीनै जना प्रमुख जिल्ला अधिकारीले ३ भदौदेखि लागू हुने गरी एक साता निषेधाज्ञा लगाउने आदेश जारी गरेका थिए ।

बुधबार मध्यरातिबाट यस अघि घोषणा गरिएको निषेधाज्ञाको अवधि समाप्त हुने भएकाले आज पुनः थप गरिएको हो ।

सम्बन्धित समाचार

काठमाडौं महानगरपालिकामा ‘कोठा खाली गर्ने’ उजुरी बढ्यो

प्रधानमन्त्री प्रचण्ड आज गोरखा जाने

आज देशभर मेघ गर्जन, चट्याङसहित वर्षाको सम्भावना

वीरगंज ड्राईपोर्टको मुलगेटमा फेरी स्थानीयको चक्काजाम