वीरगञ्जमा कोरोना सङ्क्रमणबाट थप दुई जनाको ज्यान गयो

पर्सा, १६ भदौ । वीरगञ्जमा कोरोना सङ्क्रमणबाट थप दुई जनाको ज्यान गएको छ ।

नारायणी अस्पतालमा उपचार गराइरहेका पहिचान नखुलेका एक जना र बाराको कोल्भी नगरपालिकाका एक जनाको ज्यान गएको अस्पतालका प्रवक्ता डा.अतुलेश चौरसियाले बताए ।

बेवारिसे अवस्थामा सडकमा भेटिएका अन्दाजी ६० वर्षका पुरुषलाई कोभिड एक्सन टिमका युवाहरुले शनिबार अस्पताल लगेका थिए । यस्तै अस्पतालमा छ दिनदेखि उपचार गराइरहेका बाराको कोल्भी नगरपालिकाका ६० वर्षीय पुरुषको बिहान ज्यान गएको छ । उनलाई मधुमेह र दमको समस्या रहेको अस्पतालले जनाएको छ ।

नारायणी अस्थायी कोभिड अस्पतालमा गएराति नै वीरगञ्ज महानगरपालिका वडा नम्बर २० का ५३ वर्षीय पुरुषको पनि ज्यान गएको थियो ।

सम्बन्धित समाचार

बर्दियामा बस र मोटरसाइकल ठोकिँदा एक जनाको मृत्यु

सर्लाहीमा मोटरसाइकल दुर्घटना हुँदा दुई जनाको मृत्यु

१७ करोड रुपैयाँको कोकिनसहित २ भारतीय महिला पक्राउ

जनयुद्ध दिवस विरुद्दको रिट दर्ता गर्न आदेश