Techie IT
×
गृहपृष्ठसमाचारउपत्यकामा भदौ १५ सम्म निषेधाज्ञा लम्ब्याउन सुझाव

उपत्यकामा भदौ १५ सम्म निषेधाज्ञा लम्ब्याउन सुझाव


काठमाडौं, ८ भदौ । उपत्यकाका तीनवटै जिल्लाहरुमा जारी निषेधाज्ञा भदौ १५ गतेसम्म लम्ब्याउन उपत्यका नगरपालिकाका मेयर फोरमले जिल्ला प्रशासन कार्यालयलाई सुझाव दिएको छ।

सोमबार बसेको उपत्यका नगरपालिका मेयर फोरमको बैठकले संक्रमणको अवस्था अझै कम नभएको निष्कर्ष निकाल्दै निषेधाज्ञाको स्थितिलाई पनि भदौ १५ गते सम्म कायम गर्न उपत्यकाका तीन वटै जिल्ला प्रशासन कार्यालयलाई सुझाव दिने निर्णय गरेको हो।

काठमाडौं महानगरका मेयर विद्यासुन्दर शाक्यले निषेधाज्ञालाई केही समय थप गर्न जिल्ला प्रशासनलाई सुझाव दिँदै पिसिआर परीक्षणलाई बढाएर संक्रमणको स्थितिलाई नियन्त्रणमा लिने योजना रहेको बताए।

काठमाडौं उपत्यकामा भदौ ४ देखि लागू भएको निषेधाज्ञाको अवधि १० गते राति १२ बजेसम्म कायम रहेको छ । निषेधाज्ञाको अवस्थामा उपत्यका बाहिरबाट कोही पनि नआएकाले संक्रमितको सम्पर्कमा रहेका सबैको परीक्षण गर्दा संक्रमणको अवस्थालाई नियन्त्रणमा लिन सकिने काठमाडौं महानगरपालिकाका मेयर विद्यासुन्दर शाक्यले बताए।

आजको बैठकले उपत्यकाका स्थानीय तहले दिने अत्यावश्यक बाहेकका सबै सेवा भदौ १५ गते सम्म बन्द गर्ने निर्णय गरेको छ। यसअघि साउन २६ गतेको बैठकले भदौ ९ गते सम्म अत्यावस्यक बाहेकका सबै सेवा बन्द गर्ने निर्णय गरेको थियो।

बैठकले संक्रमित व्यक्तिको सम्पर्कमा आएका व्यक्तिहरुको पीसीआर परीक्षण नभएकाले स्वास्थ्य मन्त्रालयको टिमसँग समन्वय गरी क्लोज कन्ट्याक्टमा रहेका सबै मानिसहरुको एकपटक परीक्षण गर्ने निर्णय समेत गरेको छ।


क्याटेगोरी : समाचार
ट्याग : #breaking, #Corona, #lockdown

तपाईको प्रतिक्रिया दिनुहोस