Techie IT
×
गृहपृष्ठप्रदेशमधेस प्रदेशलाहानमा एक हजार ५४३ जनाको विद्युत् लाइन कटेर चार करोड असुल

लाहानमा एक हजार ५४३ जनाको विद्युत् लाइन कटेर चार करोड असुल


लाहान, ९ असार । नेपाल विद्युत प्राधिकरण वितरण केन्द्र लाहानले एक हजार ५४३ जनाको विद्युत् लाइन कट्टा गरेपछि जेठ महिनासम्ममा चार करोड १७ लाख १४३ रुपियाँ असुल गरेको छ।

कार्यालय प्रमुख जितेन्द्रकुमार यादवका अनुसार विगत वर्षदेखि नउठेको विद्युत् महसुल यस पटक उठाउन सफल भएको भन्दै असार महिनासम्ममा यो रकम अझै बढ्नसक्ने बताए ।

उनका अनुसार एक हजार १४१ जनले रिकनेक्शन गर्दा प्रति ग्राहक ८७० को दरले लिइने जरिवाना वापत सात लाख ७४ हजार ६२० रूपियाँ जम्मा भएको छ। लाहान वितरण केन्द्रले लाहान बाहिरका नवराजपुर, भगवानपुर र सुखीपुर शाखाबाट विद्युत् महसुल उठ्ने क्रम उत्साहजनक छ। केन्द्रबाट ६५ हजार ग्राहकले लाहानबाट सेवा लिइरहेका छन्।

धनगडीमाई नगरपालिका–१४ मा विद्युतीकरण गर्न बाँकी रहेको प्रमुख यादवले बताए यो वर्ष वडासम्म विद्युतीकरण हुने उनको भनाइ छ। अनलाइन सेवाबाट १६ प्रतिशतले विद्युत् महसुल बुझाउने गरेको उनको भनाइ छ।


क्याटेगोरी : समाचार, मधेस प्रदेश
ट्याग : #bidhut


तपाईको प्रतिक्रिया दिनुहोस