कोभिड नियन्त्रणका लागि नेपाल र भारतका प्रधानमन्त्रीबीच सहमति

काठमाडौं, ३१ साउन । प्रधानमन्त्री केपी शर्मा ओली र भारतीय समकक्षी नरेन्द्र मोदीबीच शनिबार भएको टेलिफोन वार्तामा प्रम ओलीले भारतको ७४ औँ स्वतन्त्रता दिवसको शुभकामना तथा नेपाल सरकार र जनताका तर्फबाट र आफ्नै तर्फबाट प्रधानमन्त्री मोदी, भारत सरकार र जनतालाई हार्दिक बधाई दिएको परराष्ट्र मन्त्रालयले जनाएको छ ।

त्यस्तै भारतीय जनताको निरन्तर प्रगति र समृद्धिका लागि शुभकामना पनि व्यक्त गरेका छन् ।
प्रधानमन्त्री ओलीले भारतको स्वतन्त्रता दिवसको अवसरमा गरेको सम्बोधन औँल्याउँदै प्रधानमन्त्री मादीले छिमेकीलाई पहिलो प्राथमिकताको दिने विषयलाई प्रतिवद्धता दोहोर्याएको त्यसको प्रशंसा गरेको मन्त्रालयले जनाएको छ । साथै नेपालले अर्थपूर्ण दुई पाक्षीय सहयोगको अपेक्षा गरेको समेत वार्तामा स्पष्ट पारेका थिए ।

दुई प्रधानमन्त्रीले कोभिड–१९ विरूद्धको लडाईमा भएका पछिल्ला प्रयासहरूको बारेमा अनुभव आदानप्रदान गरे । कोभिड नियन्त्रणका लागि यस क्षेत्रमा मिलेर काम गर्न नेपाल र भारतका प्रधानमन्त्रीले सहमति जनाएका छन् ।

सो क्रममा प्रधानमन्त्री ओलीले महामारीको विरूद्ध र जनजीवनको रक्षा गर्न नेपाल सरकारले गरेकोे प्रयासबारे समकक्षी मोदी समक्ष विचार आदानप्रदान गरेको जनाइएको छ । कोभिड खोपको प्रारम्भिक विकासको आवश्यकतालाई औंल्याउँदै नेपालका प्रधानमन्त्रीले भारतलगायत विश्वभरका वैज्ञानिकहरूले यसको विकास गर्न सक्षम हुने आशा व्यक्त गरे । जसले यस रोगलाई नियन्त्रण गर्न र फैलिनबाट रोक्न सक्नेछ ।
प्रधानमन्त्री ओलीले प्रधानमन्त्री मोदीलाई भारतले संयुक्त राष्ट्र संयुक्त संघीय सुरक्षा परिषद्को अस्थायी सदस्यको निर्वाचनमा जीत हासिल गरेकामा लागि बधाई दिए । साथै यो महत्वपूर्ण जिम्मेवारीको सफल निर्वाहका लागि शुभकामना समेत व्यक्त गरे । दुबै प्रधानमन्त्रीले भविष्यमा द्विपक्षीय विषयमा छलफल जारी राख्ने कुरामा सहमति जनाएका छन् ।

सम्बन्धित समाचार

पाइलट बिरामी भएपछि नेपाल एयरलाइन्सको काठमाडौं–दुबई उडान रद्द, ५४० जना…

कुलेखानी हुँदै काठमाडौँ प्रवेश गर्ने दुई सडक बन्द

मनकामना केबलकार चैत २२ गते बन्द हुने

मकवानपुरको मनहरीमा भालुको आक्रमणबाट दुई जना घाइते