आजदेखि एक जिल्लाबाट अर्को जिल्ला जान गाडीको पास बन्द

काठमाण्डौ, २९ साउन । आजदेखि एक जिल्लाबाट अर्को जिल्ला जान गाडीको पास नपाइने भएको छ ।

गृह मन्त्रालयले ७७ जिल्लाका प्रमुख जिल्ला अधिकारीलाई परिपत्र गर्दै आजदेखि लागू हुने गरी गाडीको पास वितरण नगर्न निर्देशन दिएको हो ।

योसँगै अत्यावश्यक कामबाहेकका लागि यसअघि लिइएका पास पनि रद्द भएको गृह मन्त्रालयका प्रवक्ता चक्रबहादुर बुढाले जानकारी दिए ।

उनका अनुसार कोरोनाको संक्रमण बढ्दै गएकाले जिल्ला स्तरका पास वितरणमा रोक लगाइएको हो । यसअघि सरकारले अत्यावश्यक कामका लागि एक जिल्लाबाट अर्को जिल्ला जानको लागि गाडीको पास वितरण गर्दै आएको थियो ।

तर अब अत्यावश्यकबाहेकका लागि गाडीको पास बन्द भएको गृह मन्त्रालयले जनाएको हो ।

सम्बन्धित समाचार

पाँच लाख रुपैयाँ लिएर तिब्बती शरणार्थीहरूलाई नेपाली नागरिकता बनाइदिने गिरोह…

पेट्रोलमा मिसावट : स्याङ्जाको पेट्रोल पम्पलाई आठ लाख रुपैयाा गरिबाना

एकदिवसीय अन्तर्राष्ट्रिय क्रिकेट वरीयतामा नेपालको एक स्थान सुधार

वसन्तयाममा हिमाल चढ्नका लागि अनुमति लिने क्रम सुरु