गृहपृष्ठ ∕
समाचार ∕
टाउको काटिएको शवको पहिचान नखुलेपछि प्रहरीद्वारा तस्बिर सार्वजनिक
टाउको काटिएको शवको पहिचान नखुलेपछि प्रहरीद्वारा तस्बिर सार्वजनिक
काठमाडौं, २६ साउन । काठमाडौंको गोंगबु चोक नजिकै आइतबार सुटकेशमा फेला परेको शवको सनाखत हुन नसकेपछि प्रहरीले मृतकको तस्बिर सार्वजनिक गरेको छ ।
महानगरीय अपराध अनुसन्धान महाशाखाका एसपी ईश्वर कार्कीका अनुसार शवको पहिचानमा सहयोग पुग्ने अपेक्षाका साथ तस्बिर सार्वजनिक गरिएको हो ।
तस्बिरको पहिचान गर्ने व्यक्तिले नजिकैको प्रहरी चौकीमा खबर गर्न समेत एसपी कार्कीले सबैसँग आग्रह गरेका छन् । गोंगबु चोक नजिकै आइतबार सुटकेसभित्र अन्दाजी ४० देखि ४५ वर्षका पुरुषको टाउको र खुट्टाविनाको शव भेटिएको थियो ।
कुकुरको सहयोगमा प्रहरीले सुटकेशभित्र शव भेटिएको ठाउँभन्दा करिब तीन सय मिटर पर जेब्रा झोला भित्र टाउको र खुट्टा फेला पारेको थियो ।
क्याटेगोरी :
समाचार
