वीरगञ्जमा उपचार नपाएर ज्यान गुमाएकी महिलामा कोरोना सङ्क्रमण पुष्टि

पर्सा, २५ साउन । वीरगञ्जमा उपचार नपाएर ज्यान गुमाएकी २० वर्षीया महिलामा कोरोना सङ्क्रमण पुष्टि भएको छ ।

वीरगञ्ज महानगरपालिका २ को छपकैयाकी महिलाको उपचारको लागि कुनै पनि अस्पतालले भर्ना लिन नमानेपछि शुक्रबार राति ज्यान गएको थियो । नारायणी अस्पतालमा रहेको प्रयोगशालाको परीक्षण रिपोर्टअनुसार उनलाई कोरोना सङ्क्रमण पुष्टि भएको अस्पतालका मेडिकल सुपरिन्टेन्डेन्ट डाक्टर मदनकुमार उपाध्यायले बताए ।

ती महिलालाई पहिला वीरगञ्जको एडभान्स अस्पताल, तराई अस्पताल, भवानी अस्पताल, वयोधा अस्पताल, नेशनल मेडिकल कलेज शिक्षण अस्पताल लगियो तर कुनै पनि अस्पतालले भर्ना गरेर उपचार गर्न नमानेको आफन्तले बताएका छन् ।

अन्तिममा नारायणी अस्पतालकै मातहतमा रहेको अस्थायी कोभिड वीरगञ्ज हेल्थ केयरमा समेत उपचार नभएको आफन्तको गुनासो छ ।

सम्बन्धित समाचार

सन्दीपलाई राष्ट्रिय टोलीमा सहभागी गराएको विरोधमा प्रदर्शन

मलेसियन गृहमन्त्रीको प्रतिवद्धता : श्रम क्षेत्रको कोशेढुङ्गा

ट्याक्टरले स्कुटरलाई ठक्कर दिँदा आमा छोराको मृत्यु

निर्मला कुर्मीको न्याय अभियान : गणतन्त्रमा सामाजिक न्यायको हरिबिजोक