कोशी अस्पतालको आइसोलेसनमा उपचाररत कोरोना संक्रमितको मृत्यु
मोरङ, १९ साउन । विराटनगरको कोशी अस्पतालको आइसोलेसनमा उपचार गराइरहेका एक जना कोरोना सङ्क्रमितको मृत्यु भएको छ ।
विराटनगर महानगरपालिका ५ आदर्श टोलका ७७ वर्षीय पुरुषको मृत्यु भएको जिल्ला स्वास्थ्य कार्यालय मोरङका जनस्वास्थ्य प्रशासक ज्ञानबहादुर बस्नेतले जानकारी दिए । ती पुरुष मधुमेह तथा उच्च रक्तचापको बिरामी रहेको अस्पतालले जनाएको छ ।
सोमबार प्रदेश १ मा मात्रै ५७ जना कोरोनाका सङ्क्रमित थपिएका छन् । योसँगै प्रदेश १ मा सङ्क्रमितको सङ्ख्या एक हजार एक सय २८ पुगेको छ ।
क्याटेगोरी :
प्रदेश,
कोशी,
समाचार
ट्याग : #breaking,
#Corona
