Techie IT
×
गृहपृष्ठसमाचारपाठ्यपुस्तक भनी मानिस ओसार पसारमा संलग्न पक्राउ

पाठ्यपुस्तक भनी मानिस ओसार पसारमा संलग्न पक्राउ


मकवानपुर, १४ साउन । हेटौंडा उपमहानगरपालिका–१५ स्थित रातोमाटे चेकपोस्टबाट अति आवश्यक सामग्री तथा पाठयपुस्तक ढुवानी लेखिएको टाटा पिक अपगाडीमा त्रिपालले छोपेर गाडीभित्र पास नभएका मानिस ओसार पसार गरेपछि प्रहरीले गाडी रोक्दा गाडी छोड्न भनी प्रहरीलाई घुस दिन खोजी दुर्व्यवहार समेत गरेको अभियोगमा गाडीका चालक तथा सहचालक समेत पक्राउ परेका छन् ।

प्रहरीलाई आर्थिक प्रलोभन देखाई दुर्व्यवहार गर्ने सवारी साधनका ९ जना चालक तथा सहचालकहरूलाई सोमबार प्रहरीले पक्राउ गरेको हो ।

पक्राउ पर्नेहरूमा बा।१५ च ६२३ नम्बरको पिक अप गाडीका चालककाठमाडौं महानगरपालिका–१३ बस्ने ४२ वर्षीय कर्म थापा, बा.८ च ४३४ नम्बरको पिकअप गाडीका चालक रौतहट मौलापुर नगरपालिका–५ बस्ने ३० वर्षीय उमा शंकर साह, सह–चालक सोही नगरपालिका बस्ने १८ वर्षीय किशोर,ना.१ ज ८६२३ नम्बरको सुमो गाडीका चालक रौतहट गुजरा नगरपालिका–५ बस्ने २३ वर्षीय महमद सदरे आलम,ना.४ च ५९४१ नम्बरको पिकअप गाडीका चालकरौतहट मौलापुर नगरपालिका–७ बस्ने २१ वर्षीय नितेश कुमार झा, प्रदेश ३–०१–००५ ख ९२४५ नम्बरको बसका चालक रौतहट चन्द्रपुर नगरपालिका–२ बस्ने ३५ वर्षीय उमेश कुश्वार रहेका छन । यसैगरी पक्राउ पर्नेमा ना.५ ख ३५१५ नम्बरको ट्रकका चालक रौतहट चन्द्रपुर नगरपालिका–१ बस्ने ४० वर्षीय बिर्ख बहादुर यसमाली, ना–४ च २३४० नम्बरको पिक अप गाडीका चालकबारा पर्सौनी गाउँपालिका–२ बस्ने २७ वर्षीय प्रमोद मुखिया र ग.१ ख ९७१७ नम्बरको बसका चालक धनकुटा बेलाहारा नगरपालिका–१६ बस्ने ३९ वर्षीय बिनोद नेपाली रहेका छन् ।

उनीहरुमध्ये थापाले ५ सय, साहले ३ सय,सहचालक किशोरले २ सय, आलमले ५ सय, झाले ५०, कुश्वारले ३ सय, यसमालीले १ सय रुपैयाँ दिन खोजेका र नेपालीले १ हजार रुपैयाँ नगद दिन खोजेका थिए ।
उनीहरुमाथि सार्वजनिक हित र नैतिकता विरूद्धको कसुरमा थप अनुसन्धान अगाडी बढाइएको प्रहरीले जनाएको छ ।


क्याटेगोरी : समाचार


तपाईको प्रतिक्रिया दिनुहोस