कोरोना संक्रमित भेटिएपछि विराट नर्सिङ होम सिल

विराटनगर, ९ साउन । अस्पतालका चिकित्सक तथा सञ्चालकलाई कोरोना भाइरस पोजिटिभ देखिएपछि विराटनगरस्थित विराट नर्सिङ होम सिल गरिएको छ ।

बुधबार अस्पतालको स्त्री तथा प्रसुती रोग विशेषज्ञ चिकित्सकको स्वाब परीक्षण प्रतिवेदन कोभिड–१९ पोजिटिभ पुष्टि भएको थियो ।
निजी अस्पताल विराटले पहिचान लुकाएर स्वाब कोशी अस्पतालको ल्याबमा परीक्षणका लागि पठाएको थियो । कोशीको ल्याबले पोजिटिभ रिपोर्ट दिएपछि सङ्क्रमितको पहिचान विराटनगर अस्पतालले लुकाएको थियो ।

बुधबारदेखि मोरङ प्रहरी र विराटनगर महानगरपालिकाको स्वास्थ्य महाशाखाको टोलिले सङ्क्रमितको खोजी गरेका थिए । पहिचान लुकाएका कारण सङ्क्रमित पहिचान हुन नसकेपछि मोरङ प्रहरीले बुधबार साँझदेखि नै अस्पतालभित्रैका सदस्य भएको हुनसक्ने आशङ्का गर्दै अनुसन्धान सुरु गरेको थियो । बिहीबार अस्पतालले प्रशासनले सङ्क्रमितको पहिचान खुलाएको थियो ।

बिहीबार जिल्ला प्रशासन कार्यालय मोरङमा बसेको बैठकले तत्काल अस्पताल सिल गर्ने निर्णय गरेको थियो । त्यसपछि विराटनगर महानगरपालिकाले अस्पतालक सिल गरेर कन्ट्याक्ट ट्रेसिङको काम सुरु गरेको हो ।
विराटनगर महानगरपालिकाका जनस्वास्थ्य प्रमुख रमेश कार्कीले अस्पतालको गेटमा सूचना टाँस गरेर अनिश्चितकालका लागि सिलबन्दी गरिएको जानकारी दिनुभयो ।

सम्बन्धित समाचार

रुकुम पश्चिम : चैत १ गतेदेखि हराइरहेका व्यक्तिको शव फेला

छुवाछुत तथा भेदभावमुक्त वातावरणको सुनिश्चित गर्न आयोगको आग्रह

खुम्बु क्षेत्रमा लेक लागेर एक विदेशी नागरिकको ज्यान गयो

प्रधानमन्त्री प्रचण्डविरुद्द बानेश्वरमा नाराबाजी गर्ने ३ जना पक्राउ