सिन्धुपाल्चोकको चौतारा साँगाचोकगढीमा मोटरसाइकल दुर्घटना हुँदा दुई जनाको ज्यान गयो
सिन्धुपाल्चोक, १७ जेठ । सिन्धुपाल्चोकको चौतारा साँगाचोकगढी नगरपालिका–४ मा आज बिहान मोटरसाइकल अनियन्त्रित भएर पल्टिँदा दुईजनाको मृत्यु भएको छ । मृत्यु हुनेमा मोटरसाइकलमा सवार बलेफी गाउँपालिका–२ का २२ वर्षीय प्रदिप माझी र साँगाचोकगढी नगरपालिका–११ बस्ने अन्दाजी १७ वर्षीय अनिल माझी रहेका छन् । चौताराबाट जलबिरेतर्फ जाँदै गरेको बा ४५ प ५५४१ नम्बरको मोटरसाइकल आज बिहान सवा सात बजे अनियन्त्रित भई भिररबाट करिब १५० मिटर तल खसेको प्रहरीले जानकारी दिएको छ ।
तपाईको प्रतिक्रिया दिनुहोस