सिराहमा २० जना कोरोनालाई जितेर डिस्चार्ज

सिरहा । सिरहाको धनगढीमाई नगरपालिकास्थित महेन्द्र गेनाई मेमोरियल अस्पतालको आईसोलेसनमा उपचाररत २० जना कोरोना संक्रमितहरु आज उपचार पश्चात निको भएर डिस्चार्ज भएका छन् ।
आईसोलेसनमा उपचारत २६ जना मध्ये आज एकै दिन २० जना कोरोना संक्रमितहरु निको भएर डिस्चार्ज भएको अस्पतालका मेसु डा. सुभाष मण्डलले जानकारी दिए ।

कोरोना संक्रमण पुष्टी भएपछि सो अस्पतालको आईसोलेसनमा उपचार भईरहेका मध्ये सिरहाका १९ जना र सप्तरीका एक जनाको पटक पटक गरी तीन पटकसम्म रिपोर्ट नेगेटिभ आएपछि डिस्चार्ज गरिएको मेसु डा. मण्डलले बताए । निको भएर घर फर्किएकाहरुलाई सिरहाका प्रमुख जिल्ला अधिकारी सरोजप्रसाद गुरागाई तथा चिकित्सकहरुले फुलमाला लगाएर स्वागत गरेका थिए । अस्पतालको आईसोलेसनमा रहेका ६ जनाको पनि स्वास्थ्य अवस्था समान्य रहेको र उनीहरु पनि केही दिनभित्रै उपचार पश्चात घर फर्किने मेसु डा. मण्डलको भनाई छ ।

सम्बन्धित समाचार

कुलेखानी हुँदै काठमाडौँ प्रवेश गर्ने दुई सडक बन्द

मनकामना केबलकार चैत २२ गते बन्द हुने

मकवानपुरको मनहरीमा भालुको आक्रमणबाट दुई जना घाइते

काठमाडौंको गोकर्णेश्वरबाट १२ जना जुवाडे पक्राउ