सिरहामा बम बिस्फोट, एकजना घाइते
सिरहा, ३ साउन । सिरहाको औरही गाउँपालिका ५ मा गएराति बम बिस्फोट भएको छ ।
बिस्फोटमा घरमा सुतिरहेका सुवर्ण यादव घाइते भएका छन् । उनको जिल्ला अस्पताल सिरहामा उपचार भइरहेको प्रहरीले जनाएको छ ।
घटनाबारे थप अनुसन्धान भैरहेको जिल्ला प्रहरी कार्यालय सिरहाका सूचना अधिकारी विनोद घिमिरेले जानकारी दिए।
यादव तत्कालीन औरही गाविसका अध्यक्ष एवं नेकपाका स्थानीय नेता हुन् ।
क्याटेगोरी :
प्रदेश,
मधेस प्रदेश,
समाचार
