Techie IT
×
गृहपृष्ठप्रदेशगण्डकी प्रदेशहिजोदेखिको वर्षाले पर्वत–बाग्लुङ सडक खण्ड बन्द

हिजोदेखिको वर्षाले पर्वत–बाग्लुङ सडक खण्ड बन्द


पर्वत, १५ असार । सोमवार (हिजो) बिहानदेखि लगातार परेको वर्षाका कारण पहिरो जाँदा मध्यपहाडी लोकमार्गको पर्वत–बाग्लुङ सडक खण्ड बन्द भएको छ । पर्वतको कुश्मा नगरपालिका ८ चुवाभिरमा निरन्तर पहिरो झरेका कारण हिजो रातिदेखि सडक बन्द भएको हो ।

त्यस ठाउँमा सडकभन्दा झन्डै ५० मिटरमाथिबाट ठूलो पहिरो झरिरहेकाले अहिले सडक बन्द भएको छ । सडकको दुवै तर्फबाट खसेको पहिरो हटाउने प्रयास भइरहे पनि सडक खुल्न आज बेलुकासम्म लाग्न सक्ने जिल्ला प्रहरी कार्यालय पर्वतका प्रहरी नायब उपरीक्षक ९डीएसपी० विश्वराज अधिकारीले बताए । त्यस ठाउँमा सामान्य वर्षा हुनेबित्तिकै पनि पटक–पटक सडक बन्द हुने गरेको छ ।

सडक बन्द भएपछि मालवाहक ढुवानीका सवारी साधनसँगै एम्बुलेन्स सेवासमेत प्रभावित बनेको छ । कोरोना कहरको महामारीमा सडक बन्द भएपछि बाग्लुङ, म्याग्दी, मुस्ताङलगायतका ठाउँबाट थप उपचारका लागि पोखरा लैजानुपर्ने बिरामीहरू प्रभावित बनेका छन् भने अत्यावश्यक कामका लागि आवातजावत गर्ने सर्वसाधारण पनि मर्कामा परेका छन् ।

सडक बन्द हुँदा साविक धौलागिरिका बाग्लुङ, म्याग्दी र मुस्ताङका लागि आएका सवारी साधन पर्वतको नयाँ पुलमा अलपत्र बनेका छन् भने ती जिल्लाबाट पोखरा, काठमाण्डौका लागि छुटेका सवारीसाधन पनि गन्तव्यमा पुग्न सकेका छैनन् । पहिरो खसेर विद्युत् पोल भाचिँदा हिजो रातिदेखि बन्द धौलागिरिका बाग्लुङ, म्याग्दी र पर्वतमा वितरण गरिएको विद्युत् लाइन आज बिहान ११ बजेमात्रै सुरु भएको छ ।


क्याटेगोरी : समाचार, गण्डकी प्रदेश
ट्याग : #road


तपाईको प्रतिक्रिया दिनुहोस