Techie IT
×
गृहपृष्ठप्रदेशप्रदेश १सोलुखुम्बुमा बाघको आक्रमणबाट दर्जन बढी बाख्रा मरे

सोलुखुम्बुमा बाघको आक्रमणबाट दर्जन बढी बाख्रा मरे


सोलुखुम्बु, १२ असार । सोलुखुम्बुको सोलुदूधकुण्ड नगरपालिका ८ बागम क्षेत्रमा बाघको आतंक बढेको छ । करिब दुई हप्ताको अवधिमा एक दर्जन भन्दा बढी बाख्रा बाघले मारेको स्थानीयले बताएका छन् ।

जङ्गल नजिकै भएका कारण चराउन लगेका बाख्राहरु धमाधन बाघले मार्न थालेको छ । योसँगै स्थानीयहरुमा चिन्ता र त्रास बढेको स्थानीय रहरबहादुर बराइलीले बताए । शुक्रबार मात्रै रहरबहादुर र गोमबहादुर बराइलीको दुई वटा बाख्रा बाघले मारेको हो । यस्तै कमल मगरकोे ३ वटा, उत्तम मगरको एउटा, ङवाङ पेम्बा शेर्पाको एउटा, देवराज मगरको एउटा, नगेन्द्र मगरको एउटा, माझी विश्वकर्माको एउटा सहित गाउँका अन्य व्यक्तिहरुको समेत बाख्रा बाघले मारेका छन् ।

चरनमा लगेका बाख्रालाई दिउँसै बाघले आक्रमण गर्न थालेपछि गोठालाहरुमा पनि त्रास छाएको छ । असार महिना यता दैनिक जसो बाघले बाख्रा मार्ने गरेको स्थानीयले बताएका छन् ।


क्याटेगोरी : समाचार, प्रदेश १
ट्याग : #tiger


तपाईको प्रतिक्रिया दिनुहोस