Techie IT
  • २०८० चैत्र १६, शुक्रबार

दबाब र प्रभावमा नपरी अनुसन्धान टुङ्गिए प्रधानमन्त्री प्रचण्डको फिल्म हिट हुने महामन्त्री थापाको भनाइ


काठमाडौं । नेपाली कांग्रेसका महामन्त्री गगन थापाले नक्कली भुटानी शरणार्थी प्रकरणको अनुसन्धान दबाव र प्रभावमा नपरी टुङ्गो लागे प्रधानमन्त्रीले भनेको फिल्म खचाखच भीडका साथ चल्ने धारणा व्यक्त गरेका छन् । बुधबार प्रतिनिधिसभा बैठकमा महामन्त्री थापाले नेपाली नागरिकलाई भुटानी शरणार्थी बनाएर अमेरिका पठाउने ठगी प्रकरणमा संलग्न जो सुकै भए पनि कारबाही हुनुपर्ने माग गर्दै यस्तो बताएका हुन् । उनले भने “यो प्रकरणमा संलग्न जो होस् कारबाहीको दायरामा आउनुपर्छ, बजारको हल्लाले प्रभावित नहोस्, कुनै भेटघाटले पनि प्रभवित नहोस्, कुनै दबावले प्रभावित नहोस् । कुनै पनि कुराले, कहीँँको पनि कुराले प्रभावित नहोस” भुटानी शरणार्थी प्रकरणको सन्दर्भमा यसअघि प्रधानमन्त्री प्रचण्डले यो टेलर मात्र भएको पूरा फिल्म आउन बाँकी रहेको टिप्पर्णीप्रति प्रतिक्रिया जनाउँदै संसदमा थापाले भने “मेरो आग्रह छ, अनुसन्धान फ्रि र फेयर होस्, निर्दोष कोही नपरोस् तर दोषी छ भने नेता होस् कि नाता होस् । एउटा पनि नछुटोस । यो प्रकरणमा सरकारले दह्रोसँग खुट्टा टेक्यो भने यो भन्दा अगाडि उसले सुशासनको नारा लगाउन सक्छ, तपाईको फिल्म चल्छ, हाउसफुल हुन्छ, नभए हल खाली हुन्छ” यो प्रकरणमा सरकारको कामकारबाहीलाई सबैले हेरिरहेको भन्दै नागरिकलाई अनुसन्धानमा विश्वास हुने गरी काम गर्नुपर्ने भन्दै महामन्त्री थापाले भने “यहाँ अनुसन्धान गरेँ भनेर मात्र हुँदैन, विश्वास लाग्नुपर्छ । नागरिकलाई फ्रि र फेयर भएको विश्वास लाग्नुपर्छ” नक्कली भुटानी शरणार्थी प्रकरणमा सरकारले गरेको अहिलेसम्मको काम प्रशंसायोग्य भएको भनी अभिव्यक्तिको क्रममा उनले प्रधानमन्त्री र गृहमन्त्रीलाई बधाई पनि दिएका थिए ।  



तपाईको प्रतिक्रिया दिनुहोस



Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट