Techie IT
×
गृहपृष्ठसमाचारभारतको विकट गाउँ, जहाँ मोबाइल नेटवर्क नेपालको मात्र लाग्छ

भारतको विकट गाउँ, जहाँ मोबाइल नेटवर्क नेपालको मात्र लाग्छ


नेपालका कतिपय विकट गाउँ छन् जहाँ सञ्चार, यातायातसहित आधारभूत कुरा छिमेकी देश भारत र चीनबाट आश्रित छन् । यो सुन्दा कतिपयलाई आश्चर्य लाग्छ होला, भारतका पनि कतिपय यस्ता गाउँ छन् जहाँ मोबाइलको नेटवर्क नेपालसँग निर्भर रहनुपर्छ । भारतको जयकोट गाउँ, जहाँ मोबाइल नेटवर्क ठीक ढंगले लाग्दैन, जति लाग्छ त्यो पनि नेपालको नेटवर्कमात्र लाग्छ । कोभिड छ छैन भनेर आरटी पीसीआर परीक्षण रिपोर्ट मोबाइलमा पठाउन नेपालको नम्बर रजिस्टर नगरेकाले नपठाउने गरेको गुनासो उनीहरुको छ । यस्तै प्राविधिक कठिनाइ र विकटका कारण उनीहरुले गरेका कोभिडको परीक्षणको तथ्यांक समेत सार्वजनिक नहुने उनीहरुको भनाइ छ ।

विकट र असहाय स्थिति

उच्च हिमालय क्षेत्रमा रहेको पिथौरागढ जिल्लाको जयकोटका जनता धेरै असहाय रहेका छन् । कोभिड १९ को चपेटामा आएको उत्तराखण्डको एक गाउँका निवासी आधारभूत सुविधाहरुबाट समेत बञ्चित छन् । यस गाउँबाट सामुदायिक स्वास्थ्य चौकी पुग्न कमसेकम दुई घण्टा लाग्छ ।

जयकोटमा रहेका रमेश सिंह बराल आफैं कोराना भाइरसबाट संक्रमित छन् । उनी भन्छन गाउँबाट अस्पताल यति टाढा छ कि गम्भीर कोभिड विरामीका लागि घातक सावित हुनसक्छ । यिनी अगाडि भन्छन, एक एम्बुलेन्स गाउँबाट केही टाढा आउन सक्छ । यो दुरी कमसेकम २० किलो मिटर हो । फेरि यसको बन्दोवस्त आफैं गर्नुपर्छ । यदि विरामीलाई आईसीयूको आवश्यकता भएमा यहाँबाट दुई सय ५० किलोमिटर टाढा हल्द्वानीमा पुग्नुपर्छ । यदि कसैलाई अक्सिजनको आवश्यकता परेमा धारचुला जानुपर्छ । त्यहाँ पनि सुविधाको अभाव नै छ ।


क्याटेगोरी : समाचार
ट्याग : #hot


तपाईको प्रतिक्रिया दिनुहोस