Techie IT
×
गृहपृष्ठप्रदेशडोटीमा नवजात शिशुको हत्या गरेको आशङ्कामा किशोरी पक्राउ

डोटीमा नवजात शिशुको हत्या गरेको आशङ्कामा किशोरी पक्राउ


डोटी, १७ असार । डोटीमा नवजात शिशुको हत्या गरेको आशङ्कामा एक किशोरीलाई प्रहरीले पक्राउ गरेको छ ।

पक्राउ पर्नेमा कैलाली जिल्ला स्थायी ठेगाना भएकी दिपायल सिलगढी नगरपालिका–३ दिपायलको गणेशथानमा सिलाई कटाइ गर्दै आएकी २२ वर्षीया अविवाहित रहेको जिल्ला प्रहरी कार्यालय डोटीका प्रहरी प्रमुख तथा एसपी दिलीपसिंह देउवाले बताए ।

उनले भने ‘अबोध शिशुको हत्या गरेको आशङ्कामा हामीले सिर्जना थापा नाम गरेकी युवती पक्राउ गरेका छौँ, आवश्यक अनुसन्धान भइरहेको छ, अनुसन्धानपछि अन्य कुरो खुल्नेछ ।’

गएको असार १५ गते जिल्लाको दिपायल सिलगढी नगरपालिका–३ दिपायलस्थित जिल्ला आयुर्वेद स्वास्थ्य केन्द्र नजिक रहेको सेती नदीको किनारमा घाँटीमा डोरीले बाँधिएको अवस्थामा हत्या गरी एक शिशुको शव भेटिएको थियो ।

इलाका प्रहरी कार्यालय दिपायलका प्रमुख तथा प्रहरी नायब निरीक्षक रमेश शाहीका अनुसार सालनाल सँगै भएको अवस्थामा शिशुको शव भेटिएको थियो ।


क्याटेगोरी : प्रदेश, सुदूरपश्चिम प्रदेश, समाचार


प्रतिक्रिया दिनुहोस