Techie IT
×
गृहपृष्ठसमाचारनेकपा २ नं प्रदेशको संसदीय दलको नेतामा शत्रुघ्न महतो चयन

नेकपा २ नं प्रदेशको संसदीय दलको नेतामा शत्रुघ्न महतो चयन


महोत्तरी, २१ पुस । नेपाल कम्युनिस्ट पार्टी (नेकपा) को प्रदेश नम्बर २ को संसदीय दलको नेतामा शत्रुघ्न महतो चयन भएका छन् । संसदीय दलको नेतामा उनको एकल उम्मेदवारी परेपछि मङ्गलबार उनी दलको नेतामा निर्विरोध रूपमा चयन भएका हुन् ।

चुनाव कार्यक्रमअन्तर्गत मङ्गलबार दिउँसो २ बजेसम्म मनोनयन दर्ता र पौने ३ बजे उम्मेदवारीको अन्तिम नामावली प्रकाशन गर्ने निर्धारित तालिका रहेकोमा महतोको एकल उम्मेदवारी परेपछि उनी संसदीय दलको नेता बनेको ​निर्वाचन संयोजक जगतप्रसाद यादवले बताए ।

प्रचण्ड–नेपाल पक्षको प्रस्तावमा महतो संसदीय दलको नेता चयन भएका हुन् । प्रधानमन्त्री केपी शर्मा ओली पक्षधर मण्डललगायतका सांसद दलको बैठकदेखि चुनाव प्रक्रियासम्म सहभागी भएका थिएनन् ।

मङ्गलबार नै बसेको नेकपा प्रदेश संसदीय दलको बैठकले मण्डलविरुद्धको अविश्वासको प्रस्ताव पारित गरेको थियो । उपनेता रामकुमार यादवको अध्यक्षतामा बसेको दलको बैठकले अविश्वास प्रस्ताव पारित गरेको थियो ।

प्रदेश २ संसदीय दलको उपनेतामा रामकुमार यादव, प्रमुख सचेतकमा सुन्दरबहादुर विश्वकर्मा र सचेतकमा बेची लुङ्गेली रहेका छन् । बैठकलगत्तै नेकपाका प्रदेश सभा सदस्यहरूले सभामुख सरोजकुमार यादवलाई नेकपा संसदीय दलको बैठकले गरेको निर्णयबारे जानकारी गराएका छन् ।

प्रदेश नम्बर २ मा नेकपाका ३२ जना सांसद रहेका छन् ।


क्याटेगोरी : समाचार
ट्याग : #breaking, #nekapa, #province 2, #satrughan mahato, #नेकपा, #शत्रुघ्न महतो


तपाईको प्रतिक्रिया दिनुहोस