बारा, १८ पुस । पूर्वपश्चिम राजमार्ग अन्तर्गत पथलैया–अमलेखगंज सडकखण्डको आधाभारस्थित सडकमा कारको ठक्करबाट एक पोथी बाघको मृत्यु भएको छ ।
हेटौंडाबाट सर्लाहीतर्फ जाँदै गरेको बा १६ च ८११ नम्बरको कारले जीतपुरसिमरा उपमहानगरपालिका वडा नम्बर–१ स्थित सडकमा निकुञ्जबाट शनिबार बिहान साढे ७ बजे बाहिर निस्केको बाघलाई बाटो काट्ने क्रममा ठक्कर दिएको २ नम्बर प्रदेश ट्राफिक प्रहरी कार्यालय पथलैया बाराका प्रहरी उपरीक्षक श्यामकुमार महतोले बताए ।
ठक्करबाट बाघको घटनास्थलमै मृत्यु भएको र कार तथा कार चालक काठमाडौं महानगरपालिका २४ नयाँ बानेश्वर बस्ने अजयकुमार मिश्रलाई पर्सा राष्ट्रिय निकुञ्जले नियन्त्रणमा लिएर अनुसन्धान सुरु गरेको जिल्ला प्रहरी कार्यालय बाराका प्रहरी प्रवक्ता एवम् प्रहरी नायब उपरीक्षक गौतम मिश्रले जानकारी दिए ।
निकुञ्जको बीचमा पर्ने राजमार्गमा गुड्ने सवारी साधनको व्यवस्थापन गर्न नसकिँदा वर्षेनी दर्जनौंको संख्यामा बाटो काट्ने क्रममा सवारी साधनको ठक्करबाट वन्यजन्तु मारिने गरेका छन् ।
क्याटेगोरी : मधेस प्रदेश
ट्याग : #hot, #tiger
धेरै पढिएका
प्रतिक्रिया