दुई लाख ५० हजार घुससहित ललितपुरका नापी सर्वेक्षक पक्राउ
काठमाडौँ :नापी कार्यालय ललितपुरका नापी सर्वेक्षक रामवीर यादवसहित ३ जनालाई अख्तियार दुरुपयोग अनुसन्धान आयोगको टोलीले दुई लाख ५० हजार घुससहित पक्राउ गरेको छ ।
नापी सर्वेक्षक रामवीर यादव, लेखापढी व्यवसायी दिनेश बन्जरा र विनोद अधिकारीलाई दुई लाख ५० हजार घुससहित मङ्गलवार कार्यालय परिसरबाटै पक्राउ गरिएको आयोगको कार्यालयले बताएको छ। घुस मागिरहेको सूचनाका आधारमा उनीहरूलाई पक्राउ गरिएको अख्तियारले बताएको छ ।
उनीहरू माथि थप अनुसन्धान सुरु गरिएको आयोगले बताएको छ ।
तपाईको प्रतिक्रिया दिनुहोस