नुवाकोट, ३ मंसिर । नुवाकोटको शिवपुरीमा आइतबार यात्रुवाहक गाडी दुर्घटना हुँदा १३ जना घाइते भएका छन्। शिवपुरी गाउँपालिका ६  गुर्जेभन्ज्याङमा ना१ज ६३३१ नम्बरको सुमो दुर्घटना भएको हो।

काठमाडौंबाट यात्रु बोकेर नुवाकोटतर्फ आइरहेको सुमो दुर्घटनामा परि घाइते भएकाहरुमध्ये ६ जना गम्भीर रहेका छन्। सात जना उपचारपछि घर फर्किएका छन् । गम्भीर घाइते भएका ६ जनाको धापासिस्थित ग्राण्डी अस्पतालमा उपचार भइरहेको नुवाकोट प्रहरीले जनाएको छ।

अन्यिन्त्रित भएर दुर्घटना भएको टाटासुमो सडकदेखि ५ सय मिटर तल खसेको थियो। जिल्ला प्रहरी कार्यालय नुवाकोटले सिन्धुपाल्चोकको चौतारा नगरपालिका १३ का ३३ वर्षीय चालक भीमबहादुर तामाङलाई नियन्त्रणमा लिएर अनुसन्धान सुरु गरेको जनाएको छ।