Techie IT
×
गृहपृष्ठप्रदेशबाग्मती प्रदेशराजप्रासाद सेवाका पूर्व प्रमुखसचिव रेवतीरमण खनालको निधन

राजप्रासाद सेवाका पूर्व प्रमुखसचिव रेवतीरमण खनालको निधन


काठमाडौँ, १२ कात्तिक । तत्कालीन राजप्रासाद सेवाका पूर्व प्रमुखसचिव रेवतीरमण खनालको ८८ वर्षको उमेरमा निधन भएको छ ।

कानून क्षेत्रका ज्ञाता एवं साहित्यकार खनालको मङ्गलबार साँझ काठमाडौँ महानगरपालिका–१३ कालीमाटीस्थित निवासमा निधन भएको खनालका आफन्त सुरज खनालले जानकारी दिए।

मधुमेह र दमको बिरामी रहेका खनाल घरमै उपचाररत थिए ।

मदन पुरस्कारसमेत प्राप्त दिवंगत खनालले ‘मुलुकी ऐन केही विवेचना’, ‘कर सम्बन्धी कानून’, ‘नेपालको कानूनी इतिहासको रुपरेखा’, ‘रिट निवेदन सिद्धान्त र विवेचना’, ‘विश्वका प्रमुख कानून प्रणाली’, ‘नेपालको कानूनी मस्यौदा’, तथा ‘समालोचना र फैसला’ लगायत पाठ्यपुस्तक लेखेका छन् ।

तनहुँमा जन्मिएका खनालले ३५ वर्ष राजप्रासाद सेवामा काम गरेका थिए ।
उनका श्रीमती, दुई छोरा र एक छोरी छन्। खनालको विदेशमा रहेका छोरा नेपाल आएपछि जीवित रहँदा उहाँले व्यक्त गरेको इच्छा अनुसार तनहुँको देवघाटमा अन्त्येष्टि गरिनेछ ।


क्याटेगोरी : समाचार, बाग्मती प्रदेश